தென்னிந்தியாவை கலக்க வரும் ஶ்ரீதேவி மகள், ஜான்வி கபூர்!!

பாலிவுட் தயாரிப்பாளர் போனி கபூர் மற்றும் மறைந்த நடிகை ஸ்ரீதேவி, பாலிவுட் தம்பதியின் மூத்த மகள் ஜான்வி கபூர். இவர் “தடக்” என்ற படத்தின் மூலம் இந்தியில் கதாநாயகியாக அறிமுகமானார். தற்போது பாலிவுட் படங்களில் ஹிரோயினாக நடித்து வரும் இவர் தமிழ் மற்றும் தெலுங்கு படத்தில் நடிக்க உள்ளதாக தகவல் வந்துள்ளது.
Also Read : ஒரு நாள் மட்டும் நேர்கொண்ட பார்வை வசூலை முந்திய கோமாளி?

போனிகபூர் தயாரிப்பில் அஜித் நடிப்பில் உருவான நேர் கொண்ட பார்வை படம் வெற்றியை கொண்டாடி வரும் வேளையில், அதே கூட்டணி மீண்டும் இணைய உள்ளது. இந்த மாத இறுதியில் துவங்க உள்ள தல 60 படத்தில் ஒரு பாத்திரத்தில் ஜான்வி கபூர் நடிக்க உள்ளதாக தகவல பரவி வருகிறது.

இப்படத்தையும் இயக்கப் போவது “நேர்கொண்ட பார்வை”யின்
இயக்குனர் வினோத் தான் இப்படத்திற்கான் திரைக்கதை வேலைகள் முடிந்த நிலையில்
படத்திற்கான முன் தயாரிப்பு பணிகள் நடைபெற்று வருகிறது. பட ஷீட்டிங் அடுத்த மாதம் துவங்க உள்ளது. இப்படம் அதிரடி ஆக்சன் படமாக இருக்கும் என்று கூறப்படுகிறது.
Also Read : 300 கோடி வசூலைத் தொட்ட அஜித்!!
இந்த நிலையில் ஜான்வி கபூர் ஒரு பேட்டியில் சமீபத்தில் வெளியான விஜய் தேவரகொண்டாவின் “டியர் காம்ரேட்” படம் இந்தியில் ரீமேக் செய்வது பற்றி பேசும்போது, அவர் தனக்கு மிகவும் பிடித்த நடிகர் என்றும் அவருடன் இணைந்து நடிக்க ஆர்வமாக இருப்பதாகவும் கூறினார். ஆனால் இந்திப்பதிப்பில் தான் நடிக்கப்போவதில்லை என்று விஜய் தேவர் கொண்டா கூறிய நிலையில், தற்போது தெலுங்கு இயக்குநர் பூரி ஜெகநாத் இயக்கும் விஜய் தேவர்கொண்டாவின் புதிய படத்தில் ஜான்வி கபூர் நடிக்க உள்ளதாக தகவல் வெளியாகி உள்ளது.

மிகவிரைவில் தொடங்க உள்ள இப்படத்தில் விஜய் தேவரகொண்டாவிற்கு ஜோடியா நடிக்க உள்ளாராம் ஜான்வி கபூர் இதன் மூலம் தமிழ், தெலுங்கு என ஒரே நேரத்தில் பெரிய ஹீரோக்களின் படங்களில் அறிமுகமாக உள்ளார் ஜான்வி கபூர்.