நான் என்ன டிரெஸ் போட்டால் உங்களுக்கென்ன! கோபத்தில் அழகாய் கொந்தளிக்கும் ஜான்வி!

1980களில் தமிழ் சினிமாவில் முன்னணி நடிகையாக கொடிகட்டி பறந்தவர் நடிகை ஸ்ரீதேவி. இவருக்கு ஆண் ரசிகர்களையும் தாண்டி ஏராளமான பெண் ரசிகர்களும் இருந்தனர். ஒரு கட்டத்தில் பாலிவுட் சென்றார். அங்கும் தன் நடிப்பு திறமையாமல் கொடி கட்டிப் பறந்தார்.

அங்கு நடித்துக் கொண்டிருக்கும் போதே சொந்த ஊர் திரும்பாமல், பிரபல பாலிவுட் தயாரிப்பாளர் போனி கபூரை திருமணம் செய்து கொண்டு அங்கேயே செட்டிலானார். இன்று பல இளம் நடிகைகளுக்கு அவர் முன்னோடியாக உள்ளார்.

ஸ்ரீதேவியின் மூத்த மகள் ஜான்வி கபூர், கடந்த வருடம் வெளியான ‘தடாக்’ படத்தின் மூலம் திரைத்துறைக்கு அறிமுகமானார். தற்போது இவர் ’கார்கில் கேர்ள்’ என்ற படத்தில் நடித்து வருகிறார். இந்நிலையில் சமீபத்தில் ஒரு தொலைக்காட்சி நிகழ்ச்சியில் ஜான்வி பங்கேற்றார். அப்போது, நீங்கள் உடுத்திய துணியை மீண்டும் உடுத்துவதால் கேலிக்குள்ளாக்கப் படுகிறீர்களே என்ற கேள்வி கேட்கப்பட்டது.

கவர்ச்சிப் புகைப்படத்தை வெளியிட்ட ஸ்ரீதேவி மகள் ஜான்வி கபூர்!

அதற்கு, “தினம் ஒரு புதுத்துணி உடுத்தும் அளவுக்கு நான் சினிமாவில் இன்னும் சம்பாதிக்கவில்லை. எனது நடிப்பு பற்றி விமர்சித்தால், அதனை கவனத்தில் எடுத்துக் கொள்வேன். ஆனால் நான் ஜிம்முக்கு வரும்போது அணிந்திருக்கும் உடை பற்றி விமர்சிக்க, இவர்களுக்கு என்ன உரிமை உள்ளது?” எனக் கேட்டுள்ளார்.