அம்மா மாதிரி தன்னால் ஜொலிக்க முடியுமா? சோகத்தில் ஜான்வி!

ரன்வீர் சிங்குடன் நடிக்க இருந்த ‘சிம்பா’ பட வாய்ப்பு கைநழுவிய வருத்தத்தில் இருந்து வருகிறார் ஸ்ரீதேவியின் மகள் ஜான்வி.

நடிகை ஸ்ரீதேவி இழப்பு ஒட்டு மொத்த இந்திய திரையுலகத்தையும் வருத்தத்தில் ஆழ்த்தியது. அவரின் இழப்பை மக்கள் கொஞ்சம் கொஞ்சம் மறந்து வருகிறார்கள். ஸ்ரீதேவி மகள் ஜான்விக்கு இன்னுமே அவர் அந்த துயரத்தில் இருந்து மீண்டு வரவில்லையாம். தற்போது மீண்டும் தான் நடித்து வரும் முதல் படத்தின் படப்பிடிப்பில் கலந்துக்கொள்ளும் ஜான்வி, கொஞ்சம் சோகத்தில் தான் உள்ளாராம். அம்மா இறந்த சோகம் போக, சினிமாவில் தன் அம்மா மாதிரி தன்னால் ஜொலிக்க முடியுமா? என்று கொஞ்சம் பதட்டம் கலந்த சோகத்தில் உள்ளாராம்.

அதுமட்டுமில்லாமல் நடிகர் ரன்வீர் சிங் நடித்து வரும் ‘சிம்பா’ படத்தில் இவர் தான் ஹீரோயினாக நடிக்க இருந்தது. ஏதோ ஒரு சில காரணங்களால் இவரை அந்தப் படத்திலிருந்து நீக்கிவிட்டனர். இந்த செய்தி ஜான்வியை மேலும் வருத்தமடையச் செய்துள்ளது.