பூரி ஜெகன்நாத் இயக்கத்தில் விஜய் தேவரகொண்டா நடிக்கும் படத்திற்கு ஃபைட்டர் என்று பெயர் வைத்துள்ளார்களாம். அந்த படத்தில் விஜய்க்கு ஜோடியாக மறைந்த நடிகை ஸ்ரீதேவியின் மூத்த மகள் ஜான்வி கபூரை நடிக்க வைக்க விரும்புகிறார்களாம்.

ஜான்வி எவ்வளவு பெரிய தொகையை கேட்டாலும் கொடுக்க தயாரிப்பாளர் தயாராக உள்ளாராம். ஃபைட்டர் படத்திற்காக ஜான்விக்கு ரூ. 3.5 கோடி வழங்கப்படக்கூடும் என்று கூறப்படுகிறது.

இருப்பினும் இது குறித்து தயாரிப்பு தரப்பு அதிகாரப்பூர்வ அறிவிப்பு எதுவும் வெளியிடவில்லை. இதற்கிடையே ஜான்வி தன் அப்பா போனி கபூர் அஜித்தை வைத்து தயாரிக்கும் வலிமை படத்தில் நடிப்பார் என்றும் கூறப்படுகிறது.

ஜான்வி நடிப்பில் இந்த ஆண்டு எந்த படமும் வெளியாகவில்லை. அவர் நடித்துள்ள தி கார்கில் கேர்ள் படம் அடுத்த ஆண்டு மார்ச் மாதம் 13ம் தேதி ரிலீஸாகும் என்று அறிவிக்கப்பட்டுள்ளது. அவர் தற்போது தோஸ்தானா 2 படத்தில் நடித்துக் கொண்டிருக்கிறார்.


இந்நிலையில் கிராந்தி மாதவ் இயக்கத்தில் விஜய் தேவரகொண்டா நடித்துள்ள வேர்ல்டு ஃபேமஸ் லவ்வர் படம் வரும் 20ம் தேதி ரிலீஸாகிறது. அந்த படத்தில் ஐஸ்வர்யா ராஜேஷ், ராஷி கன்னா, கேத்ரீன் தெரசா, இசபெல் லெய்ட் என்று நான்கு ஹீரோயின்கள்.

ஓமைகாட், என்னால நம்பவே முடியல: துள்ளிக் குதிக்கும் த்ரிஷா, காரணம் யார் தெரியுமா?

முன்னதாக விஜய் நடிப்பில் வெளியான டியர் காம்ரேட் படம் எதிர்பார்த்த அளவுக்கு போகவில்லை. அதனால் அவர் வேர்ல்டு ஃபேமஸ் லவ்வரை மிகவும் எதிர்பார்க்கிறார் என்பது குறிப்பிடத்தக்கது.