ரஜினிக்கு போட்டியாகும் ரெமோ நாயகன்

தமிழ் சினிமாவில் முன்னணி ஹீரோக்களில் ஒருவர் சிவகார்த்திகேயன். தயாரிப்பாளர்கள், விநியோகஸ்தர்கள் மற்றும் தியேட்டர் அதிபர்களின் நம்பிக்கை நட்சத்திரமாக உருவாகி விட்டார். இவரது படம் ரிலீசாகிறது என்றால் தியேட்டர்களில் கொண்டாட்டம் தான்.

பாக்யராஜ் கண்ணன் இயக்கத்தில் சிவகார்த்திகேயனின் ராசியான ஜோடி கீர்த்தி சுரேஷ் ரஜினி முருகன் படத்திற்கு பிறகு இரண்டாவது முறையாக இணைந்துள்ளார். அனிருத் இசையமைத்துள்ள இப்படத்தில் சதீஷ், யோகி பாபு, சரண்யா, கே.எஸ்.ரவிக்குமார் ஆகியோர் பலர் நடித்துள்ளனர்.

வரும் 7ம் தேதி திரைக்கு வரும் இப்படத்தை ஜப்பானில் வெளியிடும் உரிமையை மெட்ராஸ் மூவி எனும் நிறுவனம் பெற்றுள்ளது. ரஜினி படங்களை தவிர மற்ற ஹீரோக்களின் படங்களின் படங்கள் ஜப்பானில் உள்ள யோகோயமா மற்றும் டோக்கியா ஆகிய பகுதிகளில் வெளியிடப்படும்.

ஆனால், முதல் முறையாக ரஜினிக்கு அடுத்த படியாக சிவகார்த்திகேயனின் ரெமோ படம் தான் ஜப்பானில் உள்ள நகோயா என்ற மூன்றாவது பகுதியில் வெளியிடப்படுகிறது. இந்த பகுதியில் திரைக்கு வருவதால் ரஜினிக்கு அடுத்த படியாக சிவகார்த்திகேயனுக்கு மிகப்பெரிய கௌரவம் வழங்கியதாக கருதப்படுகிறது. இப்படம் வரும் 9ம் தேதி திரைக்கு ஜப்பானில் திரைக்குவரயிருக்கிறது என்பது குறிப்பிடத்தக்கது.