போட்டி போட்டுக்கொண்டு தயாராகும் ஜெ! வாழ்க்கை வரலாறு!

அதிமுக கட்சியின் பொதுச் செயலாளராகவும், பல ஆண்டு காலம் தமிழக முதல்வராக பதவி வகித்து வந்தவர் மறைந்த நடிகை ஜெயலலிதா. தற்போது அவரது வாழ்க்கை வரலாற்றை படமாக்கும் முயற்சியில் இயக்குனர் பாரதிராஜா, விஜய் மற்றும் ப்ரியதர்ஷினி ஆகியோர் இருக்கின்றனர்.

இதில் முதல் ஆளாக, தன் ஜெயலலிதா பயோபிக்கை அறிவித்தவர் இயக்குநர் ப்ரியதர்ஷினி. இவர் மிஷ்கினிடம் உதவி இயக்குநராக பணிபுரிந்தவர் என்பது குறிப்பிடத்தக்கது. ‘த அயர்ன் லேடி’ என்று பெயரிடப்பட்டுள்ள இப்படத்தில் ஜெயலலிதாவாக நடிக்க நித்யா மேனன் ஒப்பந்தம் செய்யப்பட்டுள்ளார்.

நீண்ட நாட்களாக படப்பிடிப்பு தொடங்குவதற்கு ஆயுத்தமாகி வந்தது படக்குழு. நேற்று (பிப்.24) ஜெயலலிதா பிறந்த நாளை முன்னிட்டு, ‘த அயர்ன் லேடி’ படத்தின் பூஜை நடைபெற்றது. அதனைத் தொடர்ந்து இப்படம், அடுத்தாண்டு இதே தினத்தில் வெளியாகும் என்று படக்குழு அதிகாரப்பூர்வமாக அறிவித்துள்ளது. இந்தப் படம் தமிழ், தெலுங்கு, கன்னடம் மற்றும் இந்தியில் என நான்கு மொழிகளில் உருவாகிறது.

"தலைவி" - இயக்குனர் விஜய் எடுக்கும் ஜெயலலிதாவின் பயோபிக் குறித்த அதிகாரப்பூர்வ அறிவிப்பு!