வசூல் வேட்டை செய்யும் ஜெயம் ரவியின் டிக்:டிக்:டிக்!!

நடிகர் ஜெயம் ரவியின் நடிப்பில் வெளியாகி உள்ள ‘டிக்:டிக்:டிக்’ திரைப்படம், முதல் நாளில் 7 கோடி வரை வசூல் செய்திருப்பதாக தகவல் வெளியாகி உள்ளது.

நடிகர் ஜெயம் ரவி, மிருதன் பட இயக்குநர் சக்தி சௌந்தர்ராஜன் இயக்கத்தில் நடித்திருக்கும் புதிய திரைப்படம் டிக்:டிக்:டிக். விண்வெளி சாகசப்படமாக உருவாகி உள்ள இப்படத்தில், நிவேதா பெத்துராஜ், ரமேஷ் திலக் உள்ளிட்ட பல நடிகர்கள் நடித்துள்ளனர்.

நேற்று வெளியான இந்தப் படம், ரசிகர்கள் மத்தியில் கலவையான விமர்சனங்களைப் பெற்று வருகிறது. இந்நிலையில், இந்தப் படம் முதல் நாளில் மட்டும், சென்னையில் 55 லட்சம் ரூபாய் வசூல் செய்துள்ளதாக தகவல் வெளியாகி உள்ளது.

தமிழகம் முழுவதும் இந்தத் திரைப்படம் சுமார் 4 கோடி ரூபாயும், உலகம் முழுவதும் மொத்தமாக 7 கோடி ரூபாயும் வசூல் செய்திருப்பதாக தகவல் வெளியாகி உள்ளது.