ஜீவா நடிக்கும் படத்தின் தலைப்பு ‘கொரில்லா’!

ஜீவா நடிக்கவிருக்கும் புதிய படத்திற்கு ‘கொரில்லா’ என்ற தலைப்பு வைக்கப்பட்டுள்ளதாக கூறப்படுகிறது.

‘மகாபலிபுரம்’ படத்தை இயக்கிய டான் சாண்டி, அடுத்து ஜீவாவை வைத்து ஒரு படத்தை இயக்க உள்ளார். ஜீவாவின் 29வது பட மான இந்தப் படத்தில், ஜீவாவுக்கு ஜோடியாக ஷாலினி பாண்டே நடிக்கிறார்.இந்தப் படத்துக்கு தற்போது தலைப்பு வைக்கப்படவில்லை என்று தயாரிப்பு தரப்பு அறிவித்த நிலையில், படத்தின் தலைப்பு பற்றிய தகவல் தற்போது வெளியாகியுள்ளது. அதாவது ‘கொரில்லா’ எனத் தலைப்பு வைக்கப்பட்டுள்ளதாக தகவல் வெளியாகியுள்ளது.

’கொரில்லா’ படத்தில் ஆர்.ஜே.பாலாஜி, யோகி பாபு இருவரும் காமெடியன்களாக நடிக்கின்றனர். இதனிடையே யோகி பாபு நடிக்கும் வேடத்தில் சதீஷை ஒப்பந்தம் செய்ய இருந்த நிலையில், திடீரென அவருக்கு பதிலாக யோகி பாபுவை கமிட் பண்ணியுள்ளனர்.