ஜீவிதாவின் சகோதரர் மரணம்!

நடிகர் ராஜசேகரின் மனைவி ஜீவிதாவின் சகோதரர் முரளி ஸ்ரீநிவாஸ் இன்று காலமானார்.

தமிழகத்தை பூர்வீகமாக கொண்டவர் பிரபல நடிகர் ராஜசேகர். இவர் தமிழை விட தெலுங்கில் அதிக படங்களில் நடித்துள்ளார். நடிகை ஜீவிதா திருமணம் செய்து கொண்டு தெலுங்கு சினிமாவிலேயே செட்டிலாகிவிட்டார். திருமணத்திற்குப் பிறகும் பல படங்களில் நடித்து வந்தார். ராஜசேகர் & ஜீவிதா தம்பதியினருக்கு இரு மகள்கள் இருக்கின்றனர்.

இந்நிலையில் சமீபத்தில் ராஜசேகரின் தாயார் காலமானார். இந்த சோகம் இன்னும் மாறாத நிலையில் அவரது மனைவி ஜீவிதாவின் சகோதரர் முரளி ஸ்ரீநிவாஸ் இன்று காலை காலமானார்.

முரளி ஸ்ரீநிவாஸ், சமீபகாலமாக உடல் நலம் பாதிக்கப்படிருந்தவர் சிறுநீரக மாற்று அறுவை சிகிச்சை செய்திருந்தாராம். சமீபத்தில் பத்திரிக்கையாளர் சந்திப்பில் பேசிய ராஜசேகர், தான் நடித்து வெளியாகவுள்ள ‘கருட வேகா’ படத்தை முரளிதான் தயாரித்திருக்கிறார் என அவர் கூறினார்.
மேலும் இப்படத்திற்காக முரளி தன் உடல் நலத்தை பற்றியும் கவலைப்படாமல் வேலை செய்தாராம்.