'ஜுராசிக் வேர்ல்டு - ஃபாலன் கிங்டம்' – 2ஆவது ட்ரெய்லர் ரிலீஸ்!

ஜுராசிக் வேர்ல்டு - பாலென் கிங்டம் ஹாலிவுட் படத்தின் இரண்டாவது டிரெய்லர் வெளியாகி ரசிகர்கள் மத்தியில் மிகுந்த வரவேற்பைப் பெற்றுள்ளது.

ஹாலிவுட்டின் புகழ்பெற்ற இயக்குநர் ஸ்டீவன் ஸ்பீல்பெர்க், டயனோசர்களை வைத்து இயக்கிய ஜூராசிக் பார்க் படம் உலகளவில் மிகப்பெரிய வெற்றியை பெற்றது. அதன்பின்னர் டயனோசர்களை வைத்து பல படங்கள் வெளிவந்தன.


அதன் அடுத்தக்கட்டமாக கடந்த 2015-ம் ஆண்டு ஜூராசிக் வேர்ல்டு படம் வந்தது. இதன் இரண்டாம் பாகம் தற்போது ஜுராசிக் வேர்ல்டு - பாலென் கிங்டம் என்ற பெயரில் உருவாகி வருகிறது. ’தி இம்பாசிபிள்’ திரைப்படத்தை இயக்கிய ஜே.ஏ.பயோனா இப்படத்தை இயக்க, யுனிவெர்சல் பிக்சர்ஸ் நிறுவனம் இதை வெளியிடுகிறது.

ஜுராசிக் வேர்ல்டு - பாலென் கிங்டம் திரைப்படம் வரும் ஜூன் 22ஆம் தேதி உலகம் முழுவதும் வெளியாகும் நிலையில், படத்தின் இரண்டாவது டிரெய்லர் வெளியாகி ரசிகர்கள் மத்தியில் மிகுந்த வரவேற்பைப் பெற்றுள்ளது.