அரசுக்கு 51 லட்சம் வரி பாக்கி வைத்துள்ள நடிகர் விஷால்!

விஷால் அலுவலகத்தில் நடந்த சோதனையில் அரசுக்கு செலுத்த வேண்டிய 51 லட்சத்தை செலுத்தாமல் இருந்தது கண்டுபிடிக்கப்பட்டது.

கடந்த சில தினங்களுக்கு முன்பு நடிகர் விஷால் வீடு மற்றும் அலவலகத்தில் டிடிஎஸ் வரி குழுவினார் அதிரடி சோதனை நடத்தினர். இந்த சோதனையின் மூலம் அரசுக்கு செலுத்த வேண்டிய 51 லட்சம் வரி பாக்கி வைத்திருப்பதாக தெரியவந்தது. இதனால் இது தொடர்பான நடிகர் விஷாலை விசாரணைக்கு கணக்கு புத்தகங்களுடன் ஆஜராகுமாறு சம்மன் அனுப்பப்பட்டது.

இதன் அடிப்படையில் நேற்று விஷால் தரப்பிலிருந்து அவரது ஆடிட்டர் ஸ்ரீதர் ஆஜரானார். அவருடன் விஷால் அலுவலர்களும் உடன் சென்றனர். வருமான வரித்துறை அதிகாரிகள் கேட்ட கேள்விகளுக்கு ஆடிட்டர் ஸ்ரீதர் பதிலளித்தார். மேலும் உரிய கணக்கு ஆவணங்களையும் அலுவலர்களிடம் காண்பித்தார். அரசுக்கு செலுத்த வேண்டிய வரிபாக்கி 51 லட்சத்தை கட்டத் தயாராக இருப்பதாகவும், அதற்கு கால அவகாசம் வேண்டும் என்று கேட்டுக் கொண்டார். அதற்கு வருமானவரித் துறையினர் சம்மதித்தனர். வரிபாக்கியை 3 தவணையாக கட்ட முடிவு செய்துள்ளனர் விஷால் தரப்பினர்.