விஷாலின் 'துப்பறிவாளன்' படத்தில் இணைந்தார் பாக்யராஜ்

இயக்குனர் மிஷ்கின் இயக்கத்தில் விஷால் நடிக்கும் 'துப்பறிவாளன்' படத்தில் முக்கிய கதாப்பாத்திரத்தில் நடிக்க நடிகரும், இயக்குனருமான பாக்யராஜ் ஒப்பந்தமாகியுள்ளார்.

இப்படத்தின் ஆரம்பகட்ட பணிகள் தீவிரமாக நடைபெற்று வரும் நிலையில், படத்தின் கதாப்பாத்திரங்களை இயக்குனர் தேர்ந்தெடுத்து வருகிறார். இதன் முதல்கட்ட படப்பிடிப்பு வருகிற செப்டம்பர் 23ஆம் தேதி முதல் சென்னையில் தொடங்கும் என படக்குழு தரப்பில் தெரிவிக்கப்பட்டுள்ளது.

இப்படத்தில் பாக்யராஜ் வேறு பரிமனாத்தில் நடிக்கவிருப்பதாக அவரது மகனும் நடிகருமான சாந்தனு பாக்யராஜ் தனது டுவிட்டர் பக்கத்தில் தெரிவித்துள்ளார்.
Happy to share that appa is onboard #Mysskin sirs' @VishalKOfficial starrer #Thupparivaalan 😊Donning a new #Avatar pic.twitter.com/6T3XiU5jTL— Shanthnu Buddy (@imKBRshanthnu) September 16, 2016
இந்த படத்தில் நடிகர் பிரசன்னா வில்லன் கதாப்பாத்திரத்தில் நடிக்கவிருக்கிறார். விஷால்-ராகுல் ப்ரீத் சிங் ஜோடி சேர்ந்து நடிக்கும் இப்படத்தை விஷாலின் 'விஷால் ஃபிலிம் ஃபேக்டரி' நிறுவனம் தயாரித்து வருகிறது. திரில்லர் படமாக உருவாகி வரும் இப்படம் அடுத்த ஆண்டு மார்ச் மாதம் வெளியாக வாய்ப்புள்ளதாக கூறப்படுகிறது.