தலித் திரைப்பட விழாவில் ரஜினி, கதிர் படங்கள் திரையிடல்!

முதல்முறையாக அமெரிக்காவில் உள்ள கொலம்பியா பல்கலை கழகத்தில் உலக தலித் திரைப்பட விழா நடைபெறுகிறது. இந்த விழா பிப்ரவரி 23, 24 தேதிகளில் நடைபெறகிறது. இந்த விழாவில் உலக அளவில் பலமொழி திரைப்படங்களும் கலந்து கொள்கின்றன.தமிழ் சினிமாவில் இருந்து பா.ரஞ்சித் இயக்கத்தில் ரஜினி நடித்த ‘காலா’ மற்றும் பா.ரஞ்சித் தயாரிப்பில், மாரிசெல்வராஜ் இயக்கத்தில் கதிர் நடித்த ‘பரியேறும் பெருமாள்’ ஆகிய படங்கள் திரையிடப்படுகின்றன.

அதோடு திவ்யபாரதி இயக்கிய ‘கக்கூஸ்’ என்ற ஆவணப் படமும் திரையிடப்படுகிறது.மேலும், போலோ இந்தியா ஜெய் பீம், பேண்ட்ரி, மாசான் ஆகிய ஹிந்தி படங்களும், பபிலியோ புத்தா என்ற மலையாள படமும் இந்த விழாவில் திரையிடப்படுகிறது.