''நான் கால் வைக்கறதும்... வைக்காததும்... உன் கையில்'' தூள் பறக்கும் ரஜினியின் காலா பாடல் !!

நடிகர் ரஜினிகாந்த் நடித்து வரும் காலா படத்தின் புகைப்படங்கள் லீக் ஆகி வந்த நிலையில் தற்போது இன்ட்ரோ பாடலும் வெளியாகி வைரலாகி வருகிறது.

சென்னையில் கடந்த மாதம் நடிகர் ரஜினிகாந்த் தனது ரசிகர்களை சந்தித்து பேசினார். அப்போது அரசியல் பிரவேசம் குறித்து பேசினார். அதில் இருந்து தமிழகத்தில் பெரிய அளவில் அவரது பேச்சும், பெயரும் இடம் பெற்று வருகிறது. எந்திரன் 2 படம் முடிவடைந்த நிலையில், தற்போது காலா படத்தில் ரஜினிகாந்த் நடித்து வருகிறார். எந்திரன் 2 படத்திற்கு முன்பு காலா படம் வெளியாகலாம் என்ற பேச்சும் வெளியாகியுள்ளது.

இந்தப் படத்திற்கான படப்பிடிப்பு மும்பையில் உள்ள தாராவி பகுதியில் நடந்து வருகிறது. தாராவியின் தெருக்களில் இந்தப் படத்திற்கான படப்பிடிப்பு நடக்கும்போது, அவரது ரசிகர்கள் கூட்டமாக வந்து வேடிக்கை பார்ப்பதால் அவர்களை அந்த இடத்தில் இருந்து படக்குழுவினரால் விலக்க முடியாமல் திணறுகின்றனர். வேடிக்கை பார்க்க வருபவர்கள் ரஜினியின் சூட்டிங்கையும் புகைப்படம் மற்றும் வீடியோ எடுத்து இணையதளங்கள் மற்றும் வாட்ஸ் ஆப் ஆகிவற்றில் பதிவேற்றம் செய்கின்றனர்.

அப்படி கடந்த வாரம் அவர் நடித்த காட்சிகளில் இருந்து சில புகைப்படங்கள் மற்றும் வீடியோ வெளியானது.

இந்த நிலையில், இன்ட்ரோ பாடல் காட்சியும் லீக் ஆகியுள்ளது. அந்தப் பாடலில் வரும் எதிரி, ''ஏய், காலா உள்ள கால வச்ச'' என்று கூறும்போது, ''நான் கால் வைக்கிறதும்...வைக்காததும்... உன் தலையை எடுக்கிறதும் எடுக்காததும் உன் கையில் தான் உள்ளது'' என்று ரஜினி கூறி நடனம் ஆடும் காட்சி படமாக்கப்பட்டது. இந்தப் பாடல் இன்ட்ரோ பாடலாக என்றும், கபாலி படத்தின் இன்ட்ரோ பாடல் மெட்டுகளை ஒத்து இந்தப் பாடலும் அமைக்கப்பட்டுள்ளது என்றும் கூறப்படுகிறது.

Kaala Intro song Leaked from the Kaala set!! Rajini fans Thalaivar theme for you!!!