‘லிங்கா’வை அடுத்து ரசிகர்களை வேதனைப்படுத்திய படம் ‘காலா’!

‘லிங்கா’ படத்தை அடுத்து ரஜினியின் ‘காலா’ படத்தின் வசூல் மிகவும் குறைந்துள்ளதை நினைதது ரசிகர்கள் வேதனையில் உள்ளாதாக கூறப்படுகிறது.

பா.ரஞ்சித் இயக்கத்தில் சூப்பர் ஸ்டார் ரஜினிகாந்த் நடிப்பில் அண்மையில் வெளியான படம் ‘காலா’. இந்தப் படத்தை தனுஷ் தயாரித்திருந்தார். இப்படம் அண்மையில் சில சர்ச்சைகளுக்கு பின் வெளியானது. படத்திற்கு நல்ல விமர்சனங்கள் தான் வந்தது. ஆனால் ரஜினியின் கடந்த படமான ‘கபாலி’ போல வசூல் இல்லை என்பது உண்மை.

அமெரிக்காவில் கடந்த ஜூன் 6 ம் நாள் இப்படத்தின் பிரிமியர் காட்சிகள் ஒளிபரப்பப்பட்டது. தற்போது 10 நாட்களை கடந்துவிட்டது. ஆனால் வசூல் நிலை குறைவாகவே தான் உள்ளது. 10 ம் நாள் முடிவில் இப்படம் $1.89 மில்லியன் டாலர்கள் மட்டுமே வசூலித்துள்ளது. ஆனால் இதே ‘கபாலி’ முதல் நாள் அன்றே $1.91 மில்லியன் டாலர்களை வசூலித்துள்ளது. ரஜினியின் ‘லிங்கா’ படத்திற்கு பின் ‘காலா’ படம் ரசிகர்களை அதிர்ச்சிதரக்கூடிய விசயமாக உள்ளது.