வரலாறு காணாத அளவிற்கு காலாவுக்கு வந்த சோதனை! டிக்கெட் புக்கிங்கில் சரிவு!

சூப்பர்ஸ்டார் ரஜினிகாந்த் நடிப்பில் உருவாகியுள்ள காலா நாளை உலகம் முழுவதும் வெளியாகவுள்ள நிலையில், டிக்கெட் விற்பனையில் தொடர்ந்து சரிவு ஏற்பட்டுள்ளது.

கபாலி படத்தைத் தொடர்ந்து இயக்குனர் பா.ரஞ்சித் இயக்கத்தில் சூப்பர்ஸ்டார் ரஜினிகாந்த் நடித்துள்ள படம் காலா. நாளை உலகம் முழுவதும் வெளியாகவுள்ள இப்படத்திற்கு ரசிகர்களிடையே நல்ல வரவேற்பு ஏற்பட்டுள்ளது. இந்த நிலையில், ரஜினி படம் என்றாலே வார இறுதி நாட்கள், வார நாட்கள், அடுத்த வாரம் என்று டிக்கெட் புக்கிங் குவியும். ஆனால் இது காலா படத்திற்கு வரலாறு காணாத சரிவை சந்தித்துள்ளது. காரணம், ரஜினியின் அரசியல் பிரவேசம். தொடர்ந்து அவர் வெளியிட்டு வரும் அரசியல் கருத்துக்கள். அதோடு காவிரி தொடர்பாக அவரது கருத்து, தூத்துக்குடி போராட்டம் என்று லிஸ்ட் நீண்டு கொண்டே செல்கிறது. அதன் காரணமாக, காலா படத்திற்கு டிக்கெட் புக்கிங் குறைந்துள்ளது. ஒரு சில திரையரங்குகளில் காலா படத்திற்குப் பதிலாக வேறு படங்கள் வெளியாகவுள்ளது.

தல அஜித்தின் பில்லா 2 தான் நம்பர் 1, ரஜினியெல்லாம் 2 தான்!



கோடை விடுமுறை முடிந்து பள்ளிகள் திறக்கப்பட்டுள்ளன. பணியாளர்களும், அலுவலகங்களுக்கு செல்ல தொடங்கியுள்ளனர். காலா டிக்கெட் விற்பனை குறைவிற்கு இதுவும் ஒரு காரணமாம். மேலும், விளம்பரங்களும் பெரிதளவில் செய்யப்படவில்லை. இதன் காரணமாக புக்கிங் மந்தமாக காணப்படுகிறது. இதற்கிடையில், டிக்கெட் விற்பனை செய்யும் பிரபல இணையதளம் ஒன்று காலா படத்துக்கு இதுவரை செய்யப்பட்ட புக்கிங் விவரங்களை வெளியிடவில்லை. குறைந்த அளவில் செய்யப்பட்ட டிக்கெட் புக்கிங் தான் இதற்கு காரணம் என்று கூறப்படுகிறது.

சத்யம் சினிமாஸ் போன்ற மல்டிபிளக்ஸ் திரையரங்குகளில் கிடைக்கும் வரவேற்பை வைத்து தான் மற்ற நகரங்களில் உள்ள திரையரங்குகளில் காலாவின் வசூல் இருக்கும் என்று பாக்ஸ் ஆபிஸ் கணக்காளர்கள் கூறுகின்றனர். இதே போன்று தான் ஏற்கனவே மாயாஜால் திரையரங்குகளில் பில்லா 2 படம் 110 திரையரங்குகளில் திரையிடப்பட்டு அதிக திரையரங்குகளில் வெளியான படம் என்ற சாதனையை பெற்றிருந்தது. ஆனால், காலா அதனை முறியடிக்கும் என்று எதிர்பார்க்கப்பட்ட நிலையில், வெறும் 95 காட்சிகள் மட்டுமே திரையிடப்படுகிறது என்று அறிவிக்கப்பட்டுள்ளது.