வழக்கை தள்ளுபடி செய்த ஐகோர்ட்: காப்பான் நாளை ரிலீஸ்! மகிழ்ச்சியில் ரசிகர்கள்

சூர்யா நடிப்பில் கே.வி. ஆனந்த் இயக்கத்தில் உருவாகியுள்ள படம் காப்பான். சயீஷா, ஆர்யா மற்றும் மோகன்லால் ஆகியோர் நடித்துள்ள இந்த படம் நாளை உலகம் முழுவதும் வெளியாகும் என்று அறிவிக்கப்பட்டது.

ஆனால் இந்த படத்தின் கதை தன்னுடையது என்று குரோம்பேட்டையைச் சேர்ந்த ஜான் சார்லஸ் என்பவர் சென்னை உயர் நீதிமன்றத்தில் வழக்கு ஒன்றைத் தொடர்ந்திருந்தார். அதில், 'சரவெடி என்று பெயரிட்டுள்ள என் படத்தின் கதையை இயக்குநர் கே.வி. ஆனந்த்திடம் கூறியதாகவும், அவர் தன்னை நம்ப வைத்து ஏமாற்றிக் காப்பான் என்று தலைப்பு மட்டும் மாற்றிப் படத்தை இயக்கியுள்ளதால் படத்தை வெளியிடத் தடை விதிக்க வேண்டும்' என்று அதில் குறிப்பிட்டிருந்தார்.

தொடரும் சிக்கல்: நாளை காப்பான் படம் வெளியாகுமா?

இந்த வழக்கை விசாரித்த நீதிபதி சதிஷ் வழக்கைத் தள்ளிப்படி செய்திருந்த நிலையில் அதை ஜான் மேல்முறையீடு செய்திருந்தார். இந்த நிலையில் இந்த வழக்கு இன்று நீதிபதி மணிக்குமார் அமர்வு முன்பு விசாரணைக்கு வந்தது. வழக்கை விசாரித்த நீதிபதி காப்பான் படம் நாளை வெளியாகத் தடையில்லை என்று உத்தரவிட்டுள்ளார். இதை கேட்ட சூர்யா ரசிகர்கள் மிகுந்த உற்சாகத்தில் உள்ளனர். மேலும் படத்தின் முன்பதிவு தொடங்கி முழுவீச்சில் நடைபெற்று வருகிறது.