ஜூன் - 26 -ல் வெளியாகிறது கபாலியின் தெலுங்கு பாடல்கள்

கபாலி படத்தின் தெலுங்கு பதிப்பின் பாடல்கள் வரும் ஜூன் 26-ஆம் தேதி வெளியிடப்படும் என அறிவிக்கப்பட்டுள்ளது.
தமிழகத்தின் பட்டிதொட்டியெல்லாம் சக்கை போடு போட்டு வருகிறது சூப்பர் ஸ்டாரின் கபாலி திரைப்பட பாடல்கள்.இந்நிலையில் தமிழ் மட்டுமல்லாது தெலுங்கு,ஹிந்தி,மலாய் போன்ற பல மொழிகளிலும் கபாலி திரைப்படம் டப் செய்யப்பட்டு வெளியிடப்பட உள்ளது.


தெலங்கானா மற்றும் ஆந்திராவில் ரஜினிக்கு கணிசமான ரசிகர்கள் உள்ளதால் தெலுங்கில் கபாலி பாடல்களை வெளியிட முடிவு செய்யப்பட்டிட்ருந்தது.இந்நிலையில் வரும் ஜூன் 26-ஆம் தேதி கபாலி படத்தின் தெலுங்கு பாடல்கள் வெளியிடப்படும் என படக்குழு அறிவித்துள்ளது.


இந்த படத்தின் பாடல்களுக்கான உரிமைகளை பிரபல திங்க் மியூசிக் நிறுவனம் வாங்கியுள்ளது.ஜூலை மாதம் கட்டாயம் கபாலி திரைக்கு வரும் என தெரிவித்துள்ள கலைப்புலி எஸ்.தாணு,படத்தின் தணிக்கை முடிந்ததும் ரிலீஸ் தேதி அறிவிக்கப்படும் என தெரிவித்துள்ளார்.