Mudhalvan 2: முதல்வன் 2 படத்தில் யார்? உறுதி செய்த சியான் விக்ரம்!

இந்தியன் 2 படம் தடுமாற்றங்களில் இருந்து மீண்டும் இப்போது தொடங்கியிருக்கிறது. அதே வேலைகளில் பிசியாக இருக்கும் ஷங்கரின் அடுத்த படத்தின் கதாநாயகன் யார் என்பதை நடிகர் விக்ரம் நேர்காணல் ஒன்றின் போது கூறியுள்ளார். பல சர்ச்சைகளுக்குப் பிறகு இந்தியன் 2 படத்தின் பணிகள் வேகவேகமாக நடைபெற்று வருகிறது. இப்படத்தை அடுத்து இயக்குனர் ஷங்கர் விக்ரமை வைத்து படம் இயக்க உள்ளதாக செய்திகள் வெளியாகி வந்தன. விஜய்யுடன் ஷங்கர் ஒரு படம் செய்ய உள்ளதாகவும் முதல்வன் 2 வாக அது இருக்கும் என்று செய்திகள் பரவி வந்தன.

Amala Paul: விடாமல் துரத்தும் ஆடை மோகம்: வித்தியாசமாக உடை அணிந்து வந்த அமலா பால்!

இந்த நிலையில் ஷங்கர் மீண்டும் இந்தியன் 2 வேலைகளில் பிஸியானதால் விஜய் ஷங்கர் படம் நடக்காது எனப் பலர் கூறி வந்தனர். இப்போது நடிகர் விஜய் ஷங்கர் பற்றிய தகவலை உறுதி செய்துள்ளார். ராஜேஷ் எம். செல்வா இயக்கிய 'கடாரம் கொண்டான்' திரைப்படம் ஜூலை 19 ஆம் தேதி வெளியாகி ரசிகர்கள் மத்தியில் விமர்சனங்களைப் பெற்றிருந்தது. ஆனால் இந்தப் படம் மலையாளத்தில் நல்ல வரவேற்பைப் பெற்றுள்ளது. விக்ரம், அக்சரா ஹாசன் நடிப்பில் வெளியான இப்படத்தை கமலஹாசன் தயாரித்திருந்தார்.

Janhvi Kapoor: விஜய் தேவரகொண்டாவுடன் நடிக்க ஆசைப்படும் பாலிவுட் ஹீரோயின்!

சில நாட்களுக்கு முன்பு கடாரம் கொண்டான் சம்மந்தமாக கேரளாவில் ஒரு விழாவில் கலந்துகொண்ட விக்ரம் ரசிகர்களின் பல கேள்விகளுக்குப் பதில் அளித்தார். அதில் ஒரு ரசிகர், ஷங்கர் இயக்கத்தில் அடுத்ததாக எப்போது நடிப்பீர்கள் எனக் கேள்வி எழுப்பப்பட்டது. அதற்கு பதிலளித்த விக்ரம், "இன்னும் 2, 3 வருடங்களில் ஷங்கர் இயக்கத்தில் நடிப்பேன். ஆனால் அவர் அதற்கு முன்பு விஜய் நடிக்கும் படத்தை இயக்க இருக்கிறார்" என்று கூறியிருக்கிறார்.

Yogan Adhyayam Ondru: விஜய்யை ஏமாற்றிய இயக்குனர்? வாய்ப்பை தட்டிப்பறித்த தயாரிப்பாளர்!

இதன் மூலம் ஷங்கர் "முதல்வன் 2" படத்தை இயக்கப் போவதும் விஜய் அதில் நடிப்பதும் உறுதியாகியுள்ளது. கடந்த சில மாதங்களாக உலாவரும் செய்தியை விக்ரம் தற்பொழுது உறுதிப்படுத்தியிருக்கிறார். இதனால் விஜய் ரசிகர்கள் பெரும் உற்சாகம் அடைந்துள்ளார்கள். ஆனால், விஜய் பிகில் படத்தைத் தொடர்ந்து இயக்குனர் லோகேஷ் கனகராஜ் இயக்கத்தில் தனது 64ஆவது படத்தில் நடிக்க இருப்பதாக கூறப்படுகிறது. அப்படியே நடித்தாலும் இந்தப் படத்திற்கு எப்படியிருந்தாலும் ஒரு வருடமாகும். இந்தப் படத்திற்கு பிறகு தான் தளபதி ஷங்கர் படத்தில் நடிப்பார் என்று எதிர்பார்க்கப்படுகிறது. மேலும், இந்தியன் 2 படமும் ஷங்கர் வசம் கையில் இருக்கிறது. எந்தப் படம் முதலில் தொடங்கப்படும், விஜய் படம் எப்போது என்ற கேள்வி ஒரு புறம் இருக்கிறது என்பது குறிப்பிடத்தக்கது.