கார்த்தியின் 'அந்த ராசி'யால் தான் கைதி ஹிட்டாச்சுன்னு தெரியுமா?

லோகேஷ் கனகராஜ் இயக்கத்தில் கார்த்தி நடித்த கைதி படம் விஜய்யின் பிகில் படத்தோடு சேர்ந்து ரிலீஸானது.

பிகில் பெரிய படம் என்றாலும் கைதியை ரசிகர்கள் கைவிடவில்லை. கைதிக்கு அமோக வரவேற்பு கொடுத்து நல்ல கதை இருந்தால் கொண்டாடுவோம் என்று சினிமா ரசிகர்கள் மீண்டும் நிரூபித்துள்ளனர்.

கார்த்தியும், லோகேஷ் கனகராஜும் கதை மீது வைத்த நம்பிக்கை வீண் போகவில்லை. ஹீரோயின் இல்லை, டூயட் இல்லை, இரட்டை அர்த்த வசனங்கள் இல்லை என்று ரசிகர்கள் குறை சொல்லாமல் படத்தை பார்க்கும்படி செய்துள்ளனர்.

நயன்தாராவுக்கு என்னாச்சு, ஏன் இப்படி செய்கிறார்?

இந்நிலையில் கார்த்தி குறித்து ஒரு மீம் வெளியாகியுள்ளது. அதாவது போஸ்டரில் கார்த்தி வாயை திறந்து கத்துவது போன்று இருந்தால் அந்த படம் பிளாக்பஸ்டர் ஆகிவிடுமாம்.

பருத்திவீரன், சிறுத்தை, தீரன் அதிகாரம் ஒன்று ஆகிய பட போஸ்டர்களில் கார்த்தி வாயை திறந்து கத்தினார். அந்த படங்கள் அவரின் கெரியரில் அமோக வெற்றி பெற்ற படங்களாகிவிட்டன. இந்நிலையில் கைதி போஸ்டரிலும் அவர் அதே போஸ் தான் கொடுத்திருந்தார். கைதியும் ஹிட்டாகியுள்ளது.

இந்த வித்தியாசமான மீமை தயாரிப்பாளர் தனஞ்செயன் ட்வீட் செய்துள்ளார். இந்நிலையில் கைதி படத்திற்கு நல்ல வரவேற்பு கொடுத்த அனைவருக்கும் கார்த்தி தனது மனமார்ந்த நன்றியை தெரிவித்துள்ளார்.



கைதியை இயக்கிய லோகேஷ் தற்போது விஜய்யை வைத்து தளபதி 64 படத்தை எடுத்துக் கொண்டிருக்கிறார். அடுத்ததாக அவர் சூர்யாவை வைத்து ஒரு படத்தை இயக்க உள்ளார்.

Bigil நச்சரிக்கும் விஜய் ரசிகர்கள்: 2 நாட்களாக ட்விட்டர் பக்கமே வராத தயாரிப்பாளர்

மேலும் கார்த்தியை வைத்து கைதி படத்தின் 2 பாகத்தை எடுக்கிறார் லோகேஷ் கனகராஜ் என்பது குறிப்பிடத்தக்கது.