நயன்தாராவுக்கு பதிலாக கமல்ஹாசனுடன் நடிக்கும் காஜல் அகர்வால்..??

கமல்ஹாசன் மற்றும் ஷங்கர் கூட்டணியில் உருவாகும் ‘இந்தியன் 2’ படத்தில், கதாநாயகியாக நடிக்க காஜல் அகர்வாலிடம் பேச்சு வார்த்தை நடத்தப்பட்டு வருவதாக தகவல்கள் வெளியாகியுள்ளன.

லைகா திரைப்பட தயாரிப்பு நிறுவனம், ‘2.0’ படத்தை தொடர்ந்து ’இந்தியன் 2’ படத்தை தயாரிக்கவுள்ளது. ஷங்கர் இயக்கும் இந்த படத்தில் கமல்ஹாசன் கதாநாயகனாக நடிக்கவுள்ளார்.

முதல் பாகத்தை போல, இந்த இரண்டாம் பாகத்திலும் இரட்டை வேடங்களில் கமல்ஹாசன் நடிக்கவுள்ளதாக தகவல்கள் வெளிவந்துள்ளன. கதாபாத்திரத்தின் தேவையை கருதி உடல் எடையை குறைக்க கமல்ஹாசன் பயிற்சி எடுத்து வருகிறார்.

இந்நிலையில், ‘இந்தியன் 2’ படத்தில் கமலுக்கு ஜோடியாக லேடி சூப்பர் ஸ்டார் நயன்தாராவிடம் பேச்சு வார்த்தை நடத்தப்பட்டது. ஆனால், அவர் சில நிபந்தனைகள் விதித்ததால், அவருக்கு பதில் தமிழ், தெலுங்கில் முன்னணி நாயகியாக உள்ள காஜல் அகர்வாலை படக்குழு தேர்வு செய்திருப்பதாக கூறப்படுகிறது.

இது குறித்த அதிகாரப்பூர்வ அறிவிப்பி விரைவில் வெளியாகும் என்று எதிர்ப்பார்க்கப்படுகிறது. விஜய், அஜித், சூர்யா, போன்ற கோலிவுட்டின் மாஸ் ஹீரோக்களின் நாயகியாக நடித்த காஜல் தற்போது சீனியர் நடிகர் கமல்ஹாசனுடன் ஜோடி சேர்ந்து நடிக்கவுள்ளார் என்பது குறிப்பிடத்தக்கது.