ஜெயம் ரவிக்கு ஜோடியாக நடிக்க காஜல் அகர்வால் ஒப்பந்தம்!

ஜெயம் ரவி நடிக்கவுள்ள புதிய படத்தில் அவருக்கு ஜோடியாக நடிக்க நடிகை காஜல் அகர்வால் ஒப்பந்தமாகியுள்ளார்.

நடிகை காஜல் அகர்வால் தமிழிலும், தெலுங்கிலும் முன்னணி நடிகையாக இருந்து வருகிறார். இவர் இந்தியில்தான் முதன் முதலில் அறிமுகமானார். ஆனால், இந்தியை விட தமிழிலும், தெலுங்கிலும்தான் அதிக படங்களில் நடித்துள்ளார். இவர் தமிழ், தெலுங்கு முன்னணி நடிகர்களான விஜய், அஜீத், சூர்யா, விக்ரம், விஷால், மகேஷ்பாபு, ராம்சரண், அல்லு அர்ஜுன் உட்பட பலருடன் நடித்துவிட்டார். தற்போது ஜெயம் ரவிக்கு ஜோடியாக நடிக்கவுள்ளார்.

நடிகர் ஜெயம் ரவி, ‘டிக் டிக் டிக்’ படத்தை அடுத்து தற்போது ‘அடங்க மறு’ படத்தில் நடித்து வருகிறார். இப்படத்தின் டீசர் சமீபத்தில் வெளியாகி நல்ல வரவேற்பை பெற்றுள்ளது. அடுத்ததாக ஜெயம் ரவி, ஒரு அறிமுக இயக்குனரின் படத்தில் நடிக்கவுள்ளார். அந்தப் படத்தில் அவருக்கு ஜோடியாக நடிக்க காஜல் அகர்வால் ஒப்பந்தம் செய்யப்பட்டுள்ளதாகக் கூறப்படுகிறது.

காஜல் அகர்வால் நடிப்பில் அடுத்து தமிழில் வெளியாகவுள்ள படம் ‘பாரிஸ் பாரிஸ்’. மேலும் கன்னடத்தில் ‘ஏகே 97’, ‘தத்தாஸ்து’ ஆகிய படங்களும் விரைவில் வெளியாகவுள்ளன