விரைவில் திருமணம் செய்யும் காஜல் அகர்வால்!

சினிமாவில் முன்னனி நடிகையாக திகழ்ந்து வரும் காஜல் அகர்வால் விரைவில் திருமணம் செய்ய இருப்பதாகவும், அது காதல் அல்லது பெற்றோர் நிச்சயிக்கப்பட்ட நபருடன் நடக்கும் என தெரிவித்துள்ளார்.

சினிமாவில் நடித்து வரும் காஜல் அகர்வால், “சினிமாவில் பல விஷயங்களை கற்று இருக்கிறேன். மூத்த நடிகர்களின் நடிப்பை கவனித்து வருகிறேன். ஒவ்வொருவரிடமும் ஏதோ ஒன்று கற்றுக் கொள்ள இருக்கிறது. அதே சமயம் படப்பிடிப்பு முடிந்துவிட்டால், சொந்த விஷயங்களில் நாட்டம் அதிகரித்துள்ளது. இப்போது எனக்கு திருமணம் செய்துகொள்ள ஆசை இருக்கிறது.

ஆனால் எனக்கு பொருத்தமான மாப்பிள்ளை இன்னும் கிடைக்கவில்லை. விரைவில் திருமணம் செய்ய திட்டமிட்டுள்ளேன். ஆனால் அது காதல் திருமணமாகவோ அல்லது பெற்றோர் நிச்சயித்த திருமணமாகவோ இருக்கலாம். நல்ல மாப்பிள்ளை கிடைக்கும்போது உடனேயே எனது திருமணம் நடக்கும்.

இதுவரை 50க்கு மேற்பட்ட படங்களில் நடித்து விட்டேன். ஒரு முறை விழா ஒன்றில் என்னை ஒருவர் திடீரென முத்தமிட்டார். நான் அதிர்ந்து போனேன். அந்த சம்பவத்துக்கு பிறகு அவர் என்னிடம் மன்னிப்பு கேட்டார். அதோடு அந்த பிரச்னையை விட்டு விட்டேன். லண்டன் எனக்கு பிடித்த நகரம் என்பதால் எப்போதெல்லாம் நேரம் கிடைக்கிறதோ உடனே சென்று விடுவேன். ஓய்வு நேரத்தில் குடும்பத்தினருடன் கழிக்க ஆசைப்படுகிறேன்” என காஜல் அகர்வால் தெரிவித்துள்ளார்.