சிம்புவின் படத்தில் இணைந்த நடிகர் கலையரசன்!

நடிகர் சிம்பு, சுசீந்திரன் கூட்டணியில் உருவாகியிருக்கும் ‘ஈஸ்வரன்’ படம் நாளை வெளியாக இருக்கிறது. இதையடுத்து 'பத்து தல' படத்தில் நடிக்க உள்ளார் சிம்பு. பத்து தல என பெயரிடப்பட்டுள்ள அந்த படத்தின் டைட்டில் போஸ்டரை தமிழ் சினிமாவைச் சேர்ந்த 10 முன்னணி இயக்குனர்கள் வெளியிட்டார்கள்.

கன்னடத்தில் நரதன் இயக்கத்தில் சிவராஜ்குமார், ஸ்ரீமுரளி உள்ளிட்ட பலர் நடிப்பில் வெளியான படம் 'முஃப்தி'. 2017ஆம் ஆண்டு வெளியான இந்தப் படம் மாபெரும் வரவேற்பைப் பெற்றது. இந்தப் படத்தின் தமிழ் ரீமேக் படப்பிடிப்பு தொடங்கி, பாதியிலேயே நிறுத்தப்பட்டது.

ஞானவேல்ராஜா தயாரித்து வந்த இந்தப் படத்தில் சிம்பு, கவுதம் கார்த்திக் உள்ளிட்ட பலர் நடித்து வந்தனர். 'முஃப்தி' படம் இயக்குநரே தமிழ் ரீமேக்கையும் இயக்கி வந்தார். படப்பிடிப்பு தாமதம் உள்ளிட்ட சில விஷயங்களால் இயக்குநர் நரதன் படத்தில் இருந்து விலகிவிட்டார் என்பது அனைவரும் அறிந்ததே..
மாஸ்டரை பார்த்துட்டு ஒத்த வார்த்தையில் விமர்சித்த சூரி
இதன் பின் 'சில்லுனு ஒரு காதல்', 'நெடுஞ்சாலை' போன்ற படங்களை இயக்கிய ஓபிலி என்.கிருஷ்ணா இயக்க உள்ள படம் 'பத்து தல'. இந்தப் படத்தில் நடிகை பிரியா பவானி சங்கர் கவுதம் கார்த்திக்குக்கு ஜோடியாக நடிக்கிறார்.

இந்நிலையில் தற்போது பத்து தல படத்தில் மூன்றாவதாக இன்னொரு ஹீரோ இணைந்துள்ளதாக தகவல் அதிகாரபூர்வமாக அறிவிக்கப்பட்டுள்ளது. இயக்குனர் ரஞ்சித் இயக்கிய அட்டக்கத்தி என்ற படத்தில் அறிமுகமாகமான நடிகர் கலையரசன் தற்போது பத்து தல படத்தில் இணனந்துள்ளார்.

கலையரசன் பிரபல திரைப்பட இயக்குனர்களான மிஷ்கின் மற்றும் பா. ரஞ்சித் அவர்களுடையப் படங்களில் துணை நாயகனாக நடித்துள்ளார். மெட்ராஸ் படத்தில் நடித்த இவர், பலரது கவனத்தையும் ஈர்த்தார்.

பின்னர் இயக்குனர் அம்மு ரமேஷ் இயக்கத்தில், வெளியான நகைச்சுவைத் திரைப்படம் 'ராஜா மந்திரி'.இந்தப்படத்தில் கலையரசன் கதாநாயகனாக நடித்துள்ளார். பின்னர் இயக்குனர் சதீஷ் சந்திரசேகர் இயக்கத்தில் வெளியான டார்லிங் 2 படத்தில் கலையரசன் நடித்துள்ளார்.
மாஸ்டர் படம் பார்க்க ஹைதராபாத்தில் இருந்து சென்னைக்கு வந்த இயக்குநர்
மேலும் கபாலி, அதே கண்கள், காலக்கூத்து உள்ளிட்ட பல திரைப்படங்களில் நாயகனாகவும் முக்கிய கேரக்டர்களிலும் நடித்துள்ளார். இவர் பத்து தல படத்தில் ‘அமீர்’ என்ற கேரக்டரில் நடிக்கவுள்ளார். ஏற்கனவே ‘பத்து தல’ படத்தில் ஒரு முக்கிய கேரக்டரில் நடிகை பிரியாபவானிசங்கர் நடிக்கவுள்ளார் என்றும், தெரிவிக்கப்பட்டிருந்தது.

அதன் பிறகு அசுரன் படத்தில் தனுசுக்கு மகனாக நடித்து பிரபலமான டீஜே அருணாச்சலம், இப்படத்தில் வேல்முருகன் என்ற கதாபாத்திரத்தில் நடிக்க ஒப்பந்தமாகி உள்ளார் என்று செய்தி வெளியான நிலையில், தற்போது கலையரசனும் இந்த படத்தில் இணைந்துள்ளார் என்பது குறிப்பிடத்தக்கது.