தீபாவளியன்று ‘சர்காரு’டன் மோதும் ‘களவாணி மாப்பிள்ளை’!

விஜய் நடிப்பில் உருவான ‘சர்கார்’ படம் தீபாவளி தினமான வரும் 6ம் தேதி வெளியாகவுள்ளது. இதனுடன் இணைந்து விஜய் ஆண்டனியின் ‘திமிரு பிடிச்சவன்’ படமும், ஆர்.கே.சுரேஷ் நடித்த ‘பில்லா பாண்டி’ படமும் வெளியாவதாக அறிவிப்புகள் வெளியாகியிருந்தன. ஆனால், இந்த இரண்டு படங்களும் தீபாவளியன்று வெளியாகவில்லை. வேறு தேதி மாற்றம் செய்யப்பட்டுள்ளது.

இந்த நிலையில் தீபாவளி அன்று வெளியாகும் ‘சர்கார்’ படத்துடன், அட்டகத்தி தினேஷ், அதிதி மேனன் இணைந்து நடித்துள்ள ‘களவாணி மாப்பிள்ளை’ படமும் களமிறங்குகிறது. இந்தப்படத்தில் ஆனந்தராஜ், தேவயானி, ரேணுகா, மனோபாலா, மொட்டை ராஜேந்தின், மூனீஷ்காந்த் உள்பட பலர் நடித்துள்ளனர்.

இந்தப் படத்திற்கு என்.ஆர்.ரகுநந்தன் இசையமைத்துள்ளார். இந்தப் படத்தை ராஜபுஷ்பா பிக்சர்ஸ் சார்பில் காந்தி மணிவாசகம் தயாரித்துள்ளார். படத்தை, அவரது மகன் காந்தி மணிவாசகம் இயக்கி உள்ளார்.