மீன் மார்க்கெட்டில் அப்பா, மகன்: வைரலாகும் பிகில் ஃபர்ஸ்ட் லுக் போஸ்டர்!

அட்லி – விஜய் கூட்டணியில் உருவாகி வரும் தளபதி63 படத்தின் தலைப்பு பிகில் என்று அதிகாரப்பூர்வமாக அறிவிக்கப்பட்டுள்ளது. அதோடு, பிகில் படத்தின் ஃபர்ஸ்ட் லுக் போஸ்டரும் வெளியாகியுள்ளது. இந்த போஸ்டரில் விஜய் இரு வேடங்களில் இருப்பது போன்றும், ஒன்றில் வயதான தோற்றத்திலும், மற்றொன்றில் கால்பந்து வைத்திருப்பது போன்றும் இருக்கும் போஸ்டர் இடம்பெற்றுள்ளது. இந்த போஸ்டரின் பின் புறத்தில் பார்க்கும் போது மீன்மார்க்கெட் போன்று தோற்றமளிக்கிறது. மேலும், பெரிய கத்தி ஒன்றும் இருக்கிறது.

இந்த நிலையில், இப்படத்தில் விஜய் அப்பா மகன் என்று இரு வேடங்களில் நடித்து வருகிறார். இதில், அப்பா கதாபாத்திரத்தின் பெயர் பிகில் என்றும், மகன் கதாபாத்திரத்தின் பெயர் மைக்கேல் என்றும் விக்கிப்பீடியா பக்கத்தில் தெரிவிக்கப்பட்டுள்ளது. விளையாட்டு கதையை மையப்படுத்தி இப்படம் உருவாக்கப்பட்டுள்ளது. விஜய்யைத் தொடர்ந்து நயன்தாரா ஏஞ்சல் என்று கதாபாத்திரத்தில் நடிக்கிறார். இதன் மூலம் மைக்கேல் விஜய்க்கு ஜோடியாக ஏஞ்சல் நயன்தாரா நடித்துள்ளார் என்பது தெளிவாகிறது.

First Look Poster:இரட்டை வேடத்தில் சும்மா மாஸ் காட்டிய தளபதி: வெளியானது தளபதி63 டைட்டில் ஃபர்ஸ்ட் லுக் போஸ்டர்!

இந்த நிலையில் ஜூன் 22ம் தேதியான நாளை விஜய் தனது 46ஆவது பிறந்தநாளை கொண்டாடுகிறார். இதனை தாறுமாறாக சிறப்பிக்கும் வகையில், தளபதி63 படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகியுள்ளது. தொடர்ந்து 22ம் தேதி நள்ளிரவு 12 மணிக்கு இரண்டாவது லுக் போஸ்டரும் வெளியாக உள்ளது.

விஜய் பிறந்தநாளை முன்னிட்டு நாடு முழுவதும் இல்ல, உலகம் முழுவதும் உள்ள விஜய் ரசிகர்கள், பல்வேறு நலத்திட்ட உதவிகளை செய்ய திட்டமிட்டுள்ளனர் என்பது குறிப்பிடத்தக்கது. ஏ.ஆர்.ரஹ்மான் இசையமைக்கும் இப்படத்தை ஏஜிஎஸ் நிறுவனம் தயாரித்து வருகிறது. இந்நிறுவனம் விஜய் படத்தை தயாரிப்பது இதுவே முதல் முறை என்பது குறிப்பிடத்தக்கது. இப்படத்தில் விஜய்யுடன் இணைந்து விவேக், கதிர், யோகி பாபு, ஜாக்கி ஷரூப், டேனியல் பாலாஜி, ஆனந்தராஜ், இந்துஜா, ரெபா மோனிகா ஜான், வர்ஷா போலம்மா, தேவர்ஷினி, சௌந்தரராஜா, ஞானசம்பந்தம், ராஜ்குமார், பின்னணி பாடகர் பூவையார் ஆகியோர் பலர் நடித்துள்ளனர் என்பது குறிப்பிடத்தக்கது.

இதற்கு முன்னதாக, விஜய் நடிப்பில் வந்த படங்களின் ஃபர்ஸ்ட் லுக் போஸ்டர்கள் செய்த சாதனையை இப்படம் முறியடிக்கும் என்று எதிர்பார்க்கப்படுகிறது. அரசியல் கதையை மையப்படுத்திய சர்கார் படத்தின் ஃபர்ஸ்ட் லுக் போஸ்டரில் புகைப்பிடிப்பது போன்று புகைப்படம் இடம் பெற்றிருந்தது பெரும் சர்ச்சையை ஏற்படுத்தியது. இதற்கு எழுந்த சர்ச்சையைத் தொடர்ந்து அந்த ஃபர்ஸ்ட் லுக் போஸ்டர் உடனடியாக நீக்கப்பட்டது என்பது குறிப்பிடத்தக்கது.