பொய் சொன்ன காயத்ரிக்கு, சத்தியத்தை காட்ட கமல் போட்டு காட்டிய குறும்படம்

நடிகர் கமல்ஹாசன் விஜய் டிவியில் பிக்பாஸ் என்ற நிகழ்ச்சியை தொகுத்து வழங்கி வருகிறார். இந்த நிகழ்ச்சி நாளுக்கு நாள் சூடுபிடித்து வருகிறது. இந்த நிகழ்ச்சியில் பலரால் விமர்சிக்கப்பட்டு வருபவர் ஜூலிதான். ஆரம்பத்திலிருந்தே சக போட்டியாளர்களால் ஜூலியை கிண்டலும், கேலியும் செய்து வருகிறார்கள்.

ஒவ்வொரு வாரமும், யாராவது மற்றவர்களால் ஒதுக்கப்பட்டு பிக்பாஸ் குடும்பத்திலிருந்து வெளியேற்றப்படும் நிலையில், இந்த வாரம் ஓவியாவை அனைவரும் ஒதுக்குகிறார்களா? காயத்ரி ரகுராம் பொய் பேசுகிறாரா? அவரது கால்சியம் சத்து எப்படி இருக்கிறது? மற்றவர்களிடம் சண்டையை தூண்டி விடுவது யார்? 100 நாள் வரையிலும் இருக்கப்போவது யார்? என்பது தொடர்பாக கமல்ஹாசன் அனைத்து கேள்விகளையும் மற்றவர்களிடம் கேட்டறிந்தார். இதுவரை பிக்பாஸ் குடும்பத்தில் இருந்து வந்த சண்டை சச்சரவுகள், யாரெல்லாம் பொய் சொல்கிறார்கள், உண்மை பேசுகிறார்கள், உள்ளே ஒன்று வைத்துக்கொண்டு வெளியில் ஒன்று பேசுவது யார், 4 பேருக்கு நல்லது என்றால் எதுவுமே தப்பில்லை, இது சரியா தவறா, நமீதாவின் டான்ஸ் எப்படியிருக்கிறது என்பது பற்றியெல்லாம் கமல்ஹாசன் கேட்டு தெரிந்துகொண்டார்.

ஓவியா – காயத்ரி பிரச்சனைக்கும் முற்றுப்புள்ளி வைக்கப்பட்டது. அதோடு, ஆர்த்தி – சக்தி பிரச்சனை மீண்டும் ஆரம்பமானது போன்று தோன்றியது. அப்படி இருக்கும் போது இந்த வாரம் ஆர்த்தி அல்லது காயத்ரி இருவரில் யாரேனும் ஒருவர் வெளியேற்றப்படலாம் என்று எதிர்ப்பார்க்கப்படுகிறது.