கெளரவ வேடத்துக்கு போனாலும் அசிங்கப்படுத்தும் பிக்பாஸ் குடும்பம்: ஓரங்கட்டப்படும் சினேகன்

இந்த வார பிக் பாஸ் குடும்ப தலைவராக வய்யாபுரி தேர்ந்தெடுக்கப்பட்டார். தலைவர் பதவிக்கு போட்டியிட்ட கணேஷ், சினேகன், வையாபுரியின் சட்டையில், குடும்ப அங்கத்தினர் சிகப்பு, பச்சை நிற ஸ்டார்களை குத்தி தேர்ந்தெடுத்தனர்.

சிகப்பு நிற ஸ்டார் அணிவித்தால், அவரிடம் உள்ள கெட்ட குணத்தையும், பச்சை நிற ஸ்டார் அணிவித்து அவரிடம் உள்ள நல்ல குணத்தையும், திறமையையும் கூறினர். இதில் அதிக பச்சை ஸ்டார் பெற்ற வய்யாபுரி தலைவராக தேர்ந்தெடுக்கப்பட்டார்.

காமெடியாகும் ஜூலி :
கெளரவ வேடத்திற்கு மீண்டும் பிக் பாஸ் குடும்பத்தில் சென்ற ஜூலி, ஆர்த்தி, சக்தி ஆகியோர் சேர்ந்து மற்ற போட்டியாளருக்கு விருதை வழங்கும் நிகழ்ச்சி நடத்தினர். அதில் சிறந்த நாடகக்காரி பட்டத்தை சுஜாவுக்கு, ஜூலி வழங்குவதாக அறிவித்தார். அப்போது, மிகப்பெரிய நாடக்கக்காரியிடமிருந்து இந்த நாடகக்காரி விருதை பெருவதில் பெருமை என ஜூலியை சுஜா அசிங்கப்படுத்தினார்.

ஒதுக்கப்படும் சினேகன் :
பிக் பாஸ் குடும்பத்தில் உள்ள அனைவரும் ஒவ்வொரு விதத்தில் சினேகனை வெறுக்க ஆரம்பித்துள்ளனர். அவர் மீது அதிகம் புறக் கூறுகிறார் என்ற குற்றத்தை முன்வைத்து வருகின்றனர்.