’விஸ்வரூபம் 2’ படத்தின் காலவரை இதுதான்- விபரங்கள் கசிந்தன..!!

கமல்ஹாசன் இயக்கி நடித்துள்ள விஸ்வரூபம் இரண்டாம் பாகம் திரைப்படம் வரும் 10ம் தேதி உலகளவில் வெளிவரவுள்ளது. அதற்கான ஆயத்தப் பணிகள் தற்போது தொடங்கியுள்ளன.

இந்நிலையில், இப்படம் 145 நிமிடங்கள் ஓடும் காலவரையில் முடிக்கப்பட்டுள்ளது. அதாவது ’விஸ்வரூபம் 2’ படம் மொத்தமான 2 மணி நேரம் 25 நிமிடங்கள் ஓடும் வகையில் தயாரிக்கப்பட்டுள்ளது.

முன்னதாக 2013ம் ஆண்டில் வெளியான ’விஸ்வரூபம்’ முதல் பாகம், மொத்தமான 148 நிமிடங்கள் ஓடும் நேரத்தோடு முடிக்கப்பட்டது. அதாவது 2 மணி நேரம் 28 நிமிடங்கள் காலவரையோடு அந்த படம் வெளியானது.

இந்தியளவில் வெளியாகும் விஸ்வரூபம் 2 திரைப்படம் உலகளவில் ஆஸ்திரேலியா, நியூ சிலாந்து, பிரான்ஸ் உள்ளிட்ட நாடுகளில் வெளிவரவுள்ளது. கமல்ஹாசன் நடித்து வெளியான படங்களில் ’விஸ்வரூபம் 2’ பெரியளவில் ரிலீஸ் செய்யப்படுவது குறிப்பிடத்தக்கது.

கமல்ஹாசன் முதன்மை கதாபாத்திரம் ஏற்று, இயக்கி நடித்துள்ள இப்படம், முதல் பாகத்தில் இடம்பெற்றிருந்த ஆண்ட்ரியா, பூஜா குமார், ராகுல் போஸ், சேகர் கபூர் மற்றும் ஜெய்தீ அஹ்லாவத் உள்ளிட்டோர் முக்கிய கதாபாத்திரங்களில் நடித்துள்ளனர்.

படத்தின் டிரெய்லர் மற்றும் பாடல்களுக்கு வரவேற்பு குவிந்து வரும் நிலையில், ’விஸ்வரூபம் 2’ படத்திற்கு இசை அமைப்பு பணிகளை மேற்கொண்டுள்ள எம். ஜிப்ரானுக்கு பாராட்டுக்கள் குவிந்து வருகின்றன.