ராஜமுந்திரி சிறையில் கமல்: தீயாக பரவிய புகைப்படம்

ஷங்கர் இயக்கத்தில் கமல் ஹாஸன், சித்தார்த், காஜல் அகர்வால், ரகுல் ப்ரீத் சிங் உள்ளிட்ட நட்சத்திர பட்டாளம் நடித்து வரும் படம் இந்தியன் 2.

அந்த படத்தின் இரண்டாம் கட்ட படப்பிடிப்பு தற்போது ஆந்திராவில் உள்ள ராஜமுந்திரியில் நடைபெற்று வருகிறது. இந்நிலையில் சில காட்சிகளை படமாக்க இந்தியன் 2 குழு ராஜமுந்திரி மத்திய சிறைக்கு சென்றுள்ளது.

சிறைக்கு வந்த கமல் ஹாஸனை பார்த்த போலீசார் அவருக்கு பூங்கொத்து கொடுத்து வரவேற்றுள்ளனர். மேலும் அவருடன் சேர்ந்து புகைப்படமும் எடுத்துள்ளனர். அப்பொழுது எடுக்கப்பட்ட புகைப்படம் வெளியாகி வைரலாகியுள்ளது. தொடர்ந்து 20 நாட்கள் ராஜமுந்திரியில் படப்பிடிப்பு நடக்க உள்ளதாம்.

அதுவரை கமல் ஹாஸன் அங்கு தான் இருப்பாராம். படப்பிடிப்பை வேகமாக நடத்தி முடிக்குமாறு கமல் கோரிக்கை விடுத்துள்ளார். இந்நிலையில் தான் படக்குழு விறுவிறுப்பாக வேலை செய்து கொண்டிருக்கிறது. இதற்கிடையே இது தான் இந்தியன் 2 படத்தின் கதை என்றும், கிளைமாக்ஸ் என்றும் இரண்டு கதைகள் சமூக வலைதளங்களில் வலம் வந்து கொண்டிருக்கிறது.

அந்த கதைகளை பார்த்தாலே அவை பொய் என்று தெரிகிறது. இந்தியன் 2 படப்பிடிப்பு முன்பே துவங்கி அடிக்கடி நின்றுவிட்டு தற்போது தான் ஒழுங்காக நடந்து கொண்டிருக்கிறது. இந்நிலையில் சில பேர் தேவையில்லாமல் வதந்திகளை பரப்பிக் கொண்டிருக்கிறார்கள்.

படத்தை எப்படி இயக்க வேண்டும் என்பது ஷங்கருக்கு தெரியும். அவர் கதையை பற்றி கவலைப் படட்டும். மற்றவர்கள் அவரவர் வேலையை செய்யுங்கள் என்று கமல் ரசிகர்கள் தெரிவித்துள்ளனர். கமல் ஹாஸன் அரசியலுக்கு வந்த பிறகு நடிப்பதாலேயே இந்தியன் 2 மீதான எதிர்பார்ப்பு நாளுக்கு நாள் அதிகரித்துக் கொண்டே போகிறது.