ரஜினியை வாழ்த்திய கமல், தனுஷ்: சர்பிரைஸ் கிஃப்ட் கொடுத்த கார்த்திக் சுப்புராஜ்

ரஜினிகாந்த் இன்று தனது பிறந்தநாளை கொண்டாடுகிறார். ட்விட்டர் பக்கம் சென்றாலே ரஜினியை வாழ்த்தி போடும் ட்வீட்டுகளாக தான் உள்ளது. இந்நிலையில் ரஜினிக்கு திரையுலக பிரபலங்கள் வாழ்த்து தெரிவித்து போட்ட சில ட்வீட்டுகளை பார்ப்போம். அன்பர் நண்பர் திரு. ரஜினிகாந்துக்கு நல் ஆரோக்கியமும், வெற்றியும் பல்லாண்டு தொடர இந்நாளில் வாழ்த்துகிறேன். உங்கள் நான் என்று கமல் ஹாஸன் ட்வீட் செய்துள்ளார்.

ஹேப்பி பர்த்டே தலைவா என்று மாமனார் ரஜினியை வாழ்த்தியுள்ளார் தனுஷ். ரஜினியுடன் சேர்ந்து ஒரு படத்திலாவது நடித்துவிட வேண்டும் என்பதே தனுஷின் நீண்ட நாள் ஆசை.

2019ம் ஆண்டின் சிறந்த நடிகர் யார்?

ரஜினிகாந்துக்கு பிறந்தநாள் வாழ்த்து தெரிவித்து ட்வீட் செய்துள்ள இயக்குநர் கார்த்திக் சுப்புராஜ் பேட்ட படத்தின் வெளியிடப்படாத போஸ்டர் ஒன்றை வெளியிட்டு ரசிகர்களுக்கு இன்ப அதிர்ச்சி கொடுத்துள்ளார். மேலும், இன்னும் பல அதிசயங்களை அற்புதங்களை நிகழ்த்தி காட்டுங்கள் தலைவா என்று அன்பு கோரிக்கை விடுத்துள்ளார் அவர்.

ரஜினி ஏன் பிறந்தநாள் அன்று சென்னையில் இருப்பது இல்லை தெரியுமா?

நாங்கள் எல்லோரும் லவ் யூ... உங்களை போன்று வேறு ஒருவர் கிடையாது. நீங்களே தான் பொறந்து வரணும். சூப்பர் ஸ்டார் அனைவருக்கும் பிடித்த நல்ல ஆத்மா. அவர் என்றென்றும் வாழ வேண்டும் கடவுளே என்று ட்வீட் செய்துள்ளார் இயக்குநர் விக்னேஷ் சிவன்.