எனக்குப் பொறுப்பை கற்பித்தவர் அண்ணன் சந்திரஹாசன்: கமல் நெகிழ்ச்சி

சென்னை: எனக்கு பொறுப்பு என்றால் என்ன என்பதை எனக்குக் கற்பித்தவர் அண்ணன் சந்திரஹாசன் தான் என்று நடிகர் கமல்ஹாசன் கூறியுள்ளார்.

நடிகர் கமல்ஹாசனின் அண்ணன் சந்திரஹாசன் மார்ச் 19ஆம் தேதி லண்டனில் உயிரிழந்தார். அவரை நினைவு கூரும் விதமாக இன்று நினைவேந்தல் கூட்டம் ஒன்றை கமல்ஹாசன் நடத்தினார். இதில், ரஜினிகாந்த், கே.எஸ்.ரவிகுமார் உள்ளிட்ட திரைத்துறை பிரபலங்களும் கமல் குடும்பத்தினரும் பங்கேற்றனர்.

இந்நிகழ்ச்சியில் பேசிய கமல்ஹாசன், அண்ணனாக இருப்பது கூட ஒரு பொறுப்புதான். அதனை எனக்கு கற்பித்தவர் என் அண்ணன் சந்திரஹாசன் தான் என்றார்.

நான் ஏற்பாடு செய்துள்ள கூட்டங்களில் அண்ணனின் அறிவுரை இல்லாமல் நடக்கும் கூட்டம் இதுதான். ஆனால், இன்னும் அண்ணணின் குரலை என் மனதில் ஒலித்துக்கொண்டுதான் இருக்கிறது. இதை இரங்கல் கூட்டமாக நினைக்கவில்லை. விழாவாகவே நினைக்கிறேன். அண்ணன் இல்லாத வாழ்க்கை கஷ்டமாகத்தான் இருக்கிறது. ஆனால் அதைத் தாங்கிக்கொள்வதற்கும் அவர் எனக்குக் சொல்லிக்கொடுத்துவிட்டார்.” என்றும் கமல் நெகிழ்ச்சியுடன் குறிப்பிட்டார்.