கமலுக்கு என்ன கற்றுக்கொடுத்தார் கலைஞர்?

திமுக தலைவர் மு.க.கருணாநிதியின் பிறந்தநாளுக்கு வாழ்த்து தெரிவித்துள்ள உலக நாயகன் கமலஹாசன் தனக்கு தமிழ் கற்பித்தவர் கலைஞர் என்று கூறியுள்ளார்.

வரும் ஜூன் 3ஆம் தேதி திமுக தலைவர் கருணாநிதியின் 94வது பிறந்தநாள் கொண்டாடப்படுகிறது. இதனை முன்னிட்டு அவரது சட்டப்பேரவை வைர விழாவும் நடத்தப்படுகிறது. இந்நிலையில், மு.கருணாநிதிக்கு நடிகர் கமலஹாசன் வாழ்த்து தெரிவித்துள்ளார்.

“நான் எனது 3 வயதிலேயே அவரது வசனத்தை மழலை மொழியில் பேசியவன். கருணாநிதி வசனத்தை பேசுபவன் மட்டுமல்ல அதற்கேற்ப நடிப்பதற்கான தகுதி பெற்றவன் நான். கருணாநிதியின் தமிழ் உணர்வு அரசியலுக்கு அப்பாற்பட்டது.” என்று கூறியுள்ளார்.

மேலும், “எனக்கு தமிழ் கற்றுக்கொடுத்தவர்கள் கருணாநிதி, கண்ணதாசன், சிவாஜி கணேசன். கருணாநிதியை நான் தமிழ் ஆசான் என்று கூறியதற்கு எம்.ஜி.ஆர். கூட பாராட்டினார்.” என்றும் குறிப்பிட்டுள்ளார்.