Otha Seruppu Size 7: டக்குன்னு இன்னொரு செருப்பையும் வீசுங்கள்... நான் காத்திருக்கின்றேன் - கமல்

எதிர்ப்பு தெரிவிக்கின்றார்கள் என்பதற்காக கோட்சேவை ஹீரோவாக ஏற்க முடியாது. எப்போதுமே என் கதாநாயகன் காந்தி தான் என்று அதிமுக, பஜக.,வுக்கு மக்கள் நீதி மய்யம் கட்சி தலைவர் கமல் பதிலடி கொடுத்துள்ளார்.

பார்த்திபனினி ‘ஒத்த செருப்பு சைஸ் 7’ படத்தின் ஆடியோ மற்றும் டிரைலர் வெளியீடு விழாவில் கமல் கலந்து கொண்டு பேசினார். அதில் கமல், “நான் காந்தியின் ஆள், அவரை கதாநாயகனாக வாழ்நாள் முழுவதும் ஏற்றுக் கொண்டவன். அவர் புத்தகங்களை தொடர்ந்து படித்து வருபவன்.

யாரோ சிலர் எதிர்க்கிறார்கள் என்பதற்காக வில்லன் ஒருவரை ஹீரோவாக ஏற்றுக் கொள்ளும் ஆள் நானில்லை.

பார்த்திபன் படத்திற்கு ஒத்த செருப்பு என்று பெயர் வைத்துள்ளதால், அது சம்பந்தமாக காந்திக்கு நடந்த ஒரு சம்பவத்தை இங்கே கூறுகின்றேன். ஒரு நாள் காந்தி ரயிலில் பயணித்த போது ரயிலில் ஏறும் போது அவரின் ஒரு செருப்பு பிளாட் பார்மிலே விழுந்து விட்டது. அப்போது ரயில் வேகம் அதிகரித்திருந்ததால், மற்றொரு செருப்பையும் அவர் கலற்றி பிளாட்பார்மில் எறிந்தார். ஏன் செருப்பை வீசினீர்கள் என கேட்டதற்கு, அந்த செருப்பு யாருக்காவது பயன்படடுமே என்பதால் தான் இப்படி செய்தேன் என கூறினார். அதே போல தான் நான் இன்று அரசியல் மேடையில் என் மீது செருப்பு வீசப்படுவதை கூட நான் அப்படி பார்க்கின்றேன்.

எதிரிகள் வீசிய ஒரு செருப்பு மட்டும் தான் வந்துள்ளது. இன்னொரு செருப்புக்காக நான் காத்திருக்கின்றேன்.” என பேசியுள்ளார்.