யாம் மன்னரில்லை: யாம் முதல்வர்! கமல் பதிவால் சர்ச்சை!

நடிகர் கமல்ஹாசன் டுவிட்டரில் யாம் மன்னரில்லை, யாம் முதல்வர் என்று வசனங்களை அள்ளி தெரித்தது பரபரப்பை ஏற்படுத்தியது.

பிக்பாபாஸ் தமிழ் நிகழ்ச்சியை தொகுத்து வழங்கி வரும் கமல்ஹாசன் தொடர்ந்து சர்ச்சையை சந்தித்து வருகிறார். பிக்பாஸ் நிகழ்ச்சி கலாச்சாரத்தை சீரழிக்கும் விதமாக இருக்கிறது என்று கூறி அந்த நிகழ்ச்சியை தடை செய்யக்கோரியும், கமலை கைது செய்யக்கோரியும் இந்து மக்கள் கட்சி போலிசில் புகார் அளித்தது.

புரியாதோர்க்கு ஆங்கில பத்திரிக்கைகளில் நாளை வரும் சேதி pic.twitter.com/yoFMD8jeJO — Kamal Haasan (@ikamalhaasan) July 18, 2017 இந்த சர்ச்சை குறித்து விளக்கமளித்த கமல் கூறுகையில், தமிழக அரசியலில் ஊழல் நிறைந்துள்ளது என்று கருத்து தெரிவித்தார். இதற்கு அமைச்சர்கள் மத்தியில் கடும் எதிர்ப்பு கிளம்பியது. இந்நிலையில், கமலுக்கு ஆதரவாக பல்வேறு தரப்பில் இருந்து ஆதரவு கருத்தும் வெளியானது. தி.மு.க. செயல் தலைவர் மு.க. ஸ்டாலின், கமலுக்கு ஆதரவாக தனது அறிக்கை ஒன்றை வெளியிட்டார். அந்த அறிக்கை வெளியான உடனே கமல், அன்பு சகோதரர் ஸ்டாலினுக்கு நன்றி தவிர உடனே ஒன்றும் சொல்ல தோன்றவில்லை என்று தனது டுவிட்டரில் பதில் தெரிவித்துள்ளார்.

இந்த நிலையில் தற்போது கமல் தன்னுடைய டுவிட்டர் பக்கத்தில் கவிதை போன்று பதிவு ஒன்றை வெளியிட்டுள்ளார். அதோடு, புரியாதோர்க்கு ஆங்கில பத்திரிக்கைகளில் நாளை செய்தி வெளிவரும் என்று நேற்று பதிவிட்டுள்ளார். அவர் வெளியிட்டுள்ள பதிவில் கூறியிருப்பதாவது, மனதளவில் உன்னைப் போன்று யாம் மன்னரில்லை தோற்றிறந்தால் போராளி, முடிவெடுத்தால் யாம் முதல்வர் என்று கூறப்பட்டிருந்தது. தற்போது இந்த பதிவு வைரலாகி வருவதோடு, சர்ச்சையையும் ஏற்படுத்தி வருகிறது என்பது குறிப்பிடத்தக்கது.