நாசர் மகனுக்கு ஜோடியாகும் கமலின் மகள் அக்ஷரா ஹாசன்!

நடிகர் நாசரின் மகன் அபி மெஹதிக்கு ஜோடியாக கமலின் மகள் அக்ஷரா ஹாசன் ஒரு படத்தில் நடிக்கவுள்ளார்.

நடிகர் கமலின் இளைய மகள் அக்ஷரா ஹாசன். இவர் கடைசியாக அஜீத்துடன் ‘விவேகம்’ படத்தில் நடித்துள்ளார். அதையடுத்து தற்போது ஒரு புதிய படத்தில் நடிக்க ஒப்பந்தமாகியுள்ளார். இந்தப் படத்தை இயக்குனர் ராஜேஷ் வி.செல்வா இயக்கவுள்ளார். இவர் இதற்கு முன் நடிகர் கமலை வைத்து ‘தூங்காவனம்’ படத்தை இயக்கியது குறிப்பிடத்தக்கது. இந்தப் படத்தை கமலே சொந்தமாக தயாரிக்கவுள்ளார்.

இந்த படத்தில் நடிகை அக்ஷராவுக்கு ஜோடியாக நடிகர் நாசரின் இளைய மகன் அபி மெஹதி நடிக்கவுள்ளார். இவருக்கு இதுதான் முதல் படம். நாசரின் மூத்த மகன் லத்புதீன் ‘சைவம்’ சைவம் உள்ளிட்ட சில படங்களில் நடித்துள்ளது குறிப்பிடத்தக்கது.