பூஜா குமாருடன் சிங்கப்பூர் தெருக்களில் சுற்றி வரும் கமல்ஹாசன்!

நடிகர் கமல்ஹாசன் நடிப்பில் கடைசியாக வெளியான படம் ‘விஸ்வரூபம் 2’. இடையில் பிக்பாஸ் சீசன் 2 நிகழ்ச்சியை தொகுத்து வழங்கினார். தற்போது ஷங்கர் இயக்கத்தில் ‘இந்தியன் 2’ படத்தில் நடிக்க தயாராகி வருகிறார். அத்துடன் அரசியலிலும் தீவிர ஆர்வம் காட்டி வருகிறார்.

ஷங்கர் இயக்கத்தில் நடிக்கவுள்ள ‘இந்தியன் 2’ படத்தில் கமலுக்கு ஜோடியாக காஜல் அகர்வால் நடிக்கவுள்ளார்.

இந்நிலையில் நடிகர் கமல்ஹாசன் நடிகை பூஜா குமாருடன் சிங்கபூரில் தெருக்களில் சுற்றிவருவது போன்ற போட்டோ சமூக வலைத்தளங்களில் வேகமாக பரவி வருகிறது. ஆனால் இது ஷங்கருடனான இந்தியன்-2 பட வேலைகள் தொடர்பாக கமல் சிங்கப்பூர் சென்றுள்ளார். அவருடன் பூஜா சென்றுள்ளார் என கமலின் நெருங்கிய வட்டாரங்கள் கருத்து தெரிவித்து வருகின்றனர்.