Kamal Haasan: கமல்ஹாசனால் ‘இந்தியன் 2’ படப்பிடிப்பு நிறுத்தம்!

ஷங்கர் இயக்கத்தில் கமல்ஹாசன் நடிப்பில் 1996ல் வெளியான வெற்றிப் படம் ‘இந்தியன்’. அதையடுத்து 22 ஆண்டுகள் கழித்து இப்போது அதன் இரண்டாம் பாகம் தொடங்கியுள்ளது. கமலின் கடைசிப் படம் என்ற அறிவிப்போடு உருவாகும் இப்படத்தின் மீது பெரிய எதிர்பார்ப்பு உருவாகியுள்ளது. ‘இந்தியன் 2’ படப்பிடிப்பு தொடங்கிய வேகத்தில் சில காரணங்களால் நிறுத்தி வைக்கப்பட்டுள்ளது.

இந்தியன் 2 குறித்த அறிவிப்பு வெளியாகி ஒரு ஆண்டுக்கு மேலானாலும்ம் 2.0 பட ரிலீஸ் தாமதம், கமலின் அரசியல் பணிகள் போன்றவற்றால் படப்பிடிப்பு தாமதமாகிக் கொண்டே போனது. கடைசியாக ஒரு வழியாக ஜனவரி 18 அன்று இந்தியன் 2 படப்பிடிப்பு அதிகாரப்பூர்வமாக உருவானது. ஆனால் ஆரம்பித்து சில நாட்களிலேயே படப்பிடிப்பு நிறுத்தி வைக்கப்பட்டுள்ளது.

இதற்குக் காரணம் கமலின் இந்தியன் தாத்தா மேக் அப்பில் ஷங்கர் திருப்தி அடையவில்லையாம். எனவே மேக் அப் விஷயத்தை சரி செய்துவிட்டு மீண்டும் படப்பிடிப்பை தொடங்கலாம் என அறிவித்துவிட்டாராம்.