சுப்ரமணியன் சாமிக்கு பதிலடி கொடுத்த கமல்..!

தன்னை குறித்து சர்ச்சைக்குரிய கருத்தை தெரிவித்துள்ள சுப்ரமணியன் சாமிக்கு,டிவிட்டர் பக்கம் மூலம் கமல்ஹாசன் பதிலடி கொடுத்துள்ளார்.

தமிழக இளைஞர்களின் ஜல்லிக்கட்டு போராட்டம் தொடங்கியதிலிருந்து தனது டிவிட்டர் பக்கம் வாயிலாக நடிகர் கமல்ஹாசன் தனது கருத்துகளை தெரிவித்து வருகிறார்.சமீபத்தில் சசிகலாவுக்கும்,பன்னீர் செல்வத்திற்கும் இடையே ஏற்பட்ட அதிகாரப் போட்டியில்,சசிகலாவை கமல்ஹாசன் தொடர்ந்து எதிர்த்து வந்தார்.

இந்நிலையில் கமல்ஹாசனின் டிவீட்கள் குறித்து கருத்து தெரிவித்த பாஜக மூத்த தலைவர் சுப்ரமணியன் சாமி,கமல்ஹாசன் முதுகெலும்பு இல்லாதவர் போல் கருத்து கூறுவதாக விமர்சனம் செய்திருந்தார்.

இதற்கு டிவிட்டர் வாயிலாக பதிலடி கொடுத்துள்ள நடிகர் கமல்,”கருத்து தெரிவிக்கும் வகையில் ஒரு எலும்பு எனக்கு உள்ளது.அதுவே போதுமானதாகும்.சுப்ரமணியன் சாமி தமிழர்களை பொறுக்கிகள் என அழைத்து வருகிறார்.நான் இதற்கு எதிர்ப்பு தெரிவிக்க வேண்டும் என அவசியமில்லை.மக்கள் பார்த்துக் கொள்வார்கள்.”என தெரிவித்துள்ளார்.

Kamalhassan says his opinion about Subramanyan Swami's tweet