KH 234: நயன்தாரா, திரிஷாலாம் இல்லை: ஆண்டவருடன் இணையும் அஜித் பட நடிகை.!

உலக நாயகன் கமல் நடிப்பில் 'இந்தியன் 2' படம் உருவாகி வருகிறது. பிரம்மாண்ட இயக்குனர் ஷங்கர் இயக்கத்தில் இதன் படப்பிடிப்பு கடந்த சில மாதங்களாக விறுவிறுப்பாக நடந்து வந்தது. இந்தப்படத்தை தொடர்ந்து கமலின் 234 படத்தை மணிரத்னம் இயக்கவுள்ளார். இந்நிலையில் இந்தப்படத்தில் நாயகியாக நடிக்கவுள்ளவர் குறித்த தகவல்கள் வெளியாகி இணையத்தில் வைரலாகி வருகிறது.

தமிழ் சினிமாவில் முன்னணி நடிகராக திகழும் கமல் 'விக்ரம்' படம் மூலம் அதிரிபுதிரியான கம்பேக் கொடுத்தார். லோகேஷ் கனகராஜ் இயக்கத்தில் கோலிவுட் சினிமாவே திரும்பி பார்க்கும் அளவிற்கு பிரம்மாண்ட வெற்றியை பெற்றது இந்தப்படம். இந்தப்படத்தின் வெற்றியை தொடர்ந்து கமலின் மார்கெட் தற்போது உச்சத்தை தொட்டுள்ளது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கடந்தாண்டு வெளியாகி இமாலய வெற்றியை பெற்ற விக்ரமை தொடர்ந்து 'இந்தியன் 2' படத்தில் நடித்து வருகிறார் கமல். நீண்ட காலமாக தயாரிப்பில் இருக்கும் இந்தப்படம் பல பிரச்சனைகள் காரணமாக முடங்கி கிடந்தது. இதனையடுத்து பலக்கட்ட பேச்சுவார்த்தைகளுக்கு பிறகு 'இந்தியன் 2' படப்பிடிப்பு கடந்தாண்டு மீண்டும் துவங்கியது.

தற்போது வெளிநாடுகளில் இதன் படப்பிடிப்பு நடக்கும் புகைப்படங்கள் சோஷியல் மீடியாவில் வைரலாகி வருகின்றன. 'இந்தியன் 2' படத்தை லைகா மற்றும் ரெட் ஜெயன்ட் நிறுவனங்கள் இணைந்து தயாரிக்கின்றனர். இதனிடையில் மணிரத்னம் இயக்கத்தில் ஒரு படத்தில் நடிக்கவும் கமிட் ஆகியுள்ளார் கமல். 35 ஆண்டுகளுக்கு பிறகு தமிழ் சினிமாவின் இருபெரும் ஜாம்பவான்கள் 'KH 234' படத்தில் இணைந்துள்ளது ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது.

ஐடி ரெய்டு.. ரூ.1000 கோடி அள்ளலாம்: 'பொன்னியின் செல்வன் 2' பட ரகசியத்தை போட்டுடைத்த பார்த்திபன்.!

பான் இந்தியா படமாக உருவாகவுள்ள இந்தப்படம் குறித்த தகவல்கள் அவ்வப்போது வெளியாகி இணையத்தில் வைரலாகி வருகிறது. அதன்படி 'KH 234' படத்தில் நயன்தாரா, திரிஷா நடிக்கவுள்ளதாக கூறப்பட்டது. இதனையடுத்து ஆண்ட்ரியாவும் இந்தப்படத்தில் முக்கிய கதாபாத்திரத்தில் நடிப்பதாக தகவல்கள் வெளியாகின.


இந்நிலையில் தற்போது வெளியாகியுள்ள லேட்டஸ்ட் தகவலின்படி பிரபல பாலிவுட் நடிகை வித்யா பாலன் 'KH 234' நடிக்கவுள்ளதாக தகவலகள் வெளியாகியுள்ளன. இவர் 'நேர்கொண்ட பார்வை' படத்தில் அஜித்தின் மனைவியாக நடித்து பாராட்டுக்களை அள்ளியவர். இதனையடுத்து தற்போது கமல் ஜோடியாக வித்யா பாலன் நடிக்கவுள்ளதாக வெளியாகியுள்ள தகவல் ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது.

Rajinikanth: மகள் ஐஸ்வர்யாவை பாராட்டி தள்ளியுள்ள ரஜினி: என்ன காரணம் தெரியுமா..?