Sivakarthikeyan: 'கனா' பட டீசரில் மாஸ் காட்டிய சிவகார்த்திகேயன்!!

ஐஸ்வர்யா ராஜேஷ் நடிப்பில் உருவாகும் ‘கனா’ படத்தின் டீசரில், சிவகார்த்திகேயன் வயதான தோற்றத்தில் தோன்றி அனைவரையும் ஆச்சர்யப்படுத்தியுள்ளார்.

பாடகரும், காமெடி நடிகருமான அருண்ராஜா காமராஜ், தற்போது இயக்குநர் அவதாரம் எடுத்துள்ளார். அவர் இயக்கத்தில் உருவாகி வரும் ‘கனா’ படத்தில், நடிகை ஐஸ்வர்யா ராஜேஷ், சத்யராஜ் ஆகியோர் நடித்து வருகின்றனர். அருண்ராஜா காமராஜின் நண்பரும் நடிகருமான சிவகார்த்திகேயன் இப்படத்தை தயாரித்து வருகிறார்
கிரிக்கெட்டை மையமாக கொண்டு உருவாக்கப்படும் இந்தப் படத்தின் டீசர் இன்று காலை வெளியானது. அதில், டீசரின் இறுதியில் நடிகர் சிவகார்த்திகேயன் சற்று தடித்த தோற்றத்துடன் வயதானவரைப் போல தோன்றுகிறார். இதனால், படத்தில் அவரும் ஒரு வேடத்தில் நடித்திருப்பார் என எதிர்பார்க்கப்படுகிறது.