ஜெயலலிதாவாக மாற கங்கனா படும் கஷ்டத்தை பார்த்தீங்களா மக்களே

மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை படமாக எடுக்க இயக்குநர்கள் நான், நீ என்று போட்டி போட்டு வருகின்றனர். அதில் ஏ.எல்.விஜய், ஜெயலலிதாவின் வாழ்க்கை வரலாற்றை 'தலைவி' என்ற பெயரில் படமாக உருவாக்கவுள்ளதாக அறிவித்தார்.

தமிழ், தெலுங்கு, இந்தி என மூன்று மொழிகளில் உருவாகவுள்ள இதில் ஜெயலலிதவாக, பாலிவுட் நடிகை கங்கனா ரனாவத் நடிக்க ஒப்பந்தமாகியுள்ளார். அவர் ஜெயலலிதாவின் இளமைக்காலம் முதல் முதுமைக்காலம் வரை நான்கு தோற்றங்களில் நடிக்கவுள்ளாராம். இந்த வருட இறுதியில் துவங்க உள்ள படப்பிடிப்பில், அவரது தோற்றங்களை ஒப்பனை கலைஞர் ஜேசன் காலின்ஸ் வடிவமைக்கவுள்ளாராம். இவர் ஏற்கனவே கேப்டன் மார்வல், பிளேட் ரன்னர் உள்ளிட்ட ஹாலிவுட் படங்களில் பணியாற்றியுள்ளது குறிப்பிடத்தக்கது.

தற்போது அதற்கான டெஸ்ட் லுக்குகாக கங்கனா அமெரிக்க சென்றுள்ளார். அப்போது எடுக்கப்பட்ட புகைப்படங்களை அவரது சகோதரி ரங்கோலி தனது ட்விட்டர் பக்கத்தில் வெளியிட்டுள்ளார்.


அந்த பதிவில், 'ப்ராஸ்தடிக்ஸுக்கான அளவீடுகள் இப்படித் தான் எடுக்கப்பட்டது. ஒரு நடிகையாக இருப்பது அவ்வளவு எளிதல்ல. பார்த்த எங்களுக்கே மிகவும் மூச்சுத் திணறக்கூடிய அளவில் இருந்தது. ஆனால் அவர் அந்த சமயத்தில் மிகவும் அமைதியாக இருந்தார்' என்று குறிப்பிட்டுள்ளார்.