Kangana Ranaut : தன்னுடைய வாழ்க்கை வரலாறு படத்தை தானே இயக்கும் பிரபல நடிகை!

பாலிவுட் சினிமாவில் முன்னணி நடிகையாக வலம் வருபவர் நடிகை கங்கனா ரணாவத். இந்திய சினிமாவில் அதிக சம்பளம் வாங்கும் நடிகையும் இவர்தான். இவர் தமிழில் ஜெயம் ரவிககு ஜோடியாக ‘தாம் தூம்’ படத்தில் அறிமுகமாகியிருந்தார். இவர் இந்தியில் ‘குயின்’ படத்தில் நடித்து தேசிய விருது பெற்றார்.

சமீபத்தில் திரைக்கு வந்த ‘மணிகர்னிகா3 படத்தில் லட்சுமிபாய் வேடத்தில் நடித்து இருந்தார். மேலும் இந்தப் படத்தின் ஒரு சில காட்சிகளை இயக்கியும் இருக்கிறார்.

இந்நிலையில் தனது வாழ்க்கையை படமாக இயக்கப் போவதாக கங்கனா ரணாவத் கூறியுள்ளார். இதுகுறித்து அவர் கூறியதாவது; ‘‘மக்களின் ஆசியால்தான் நான் இவ்வளவு பெரிய உயரத்தை அடைந்திருக்கிறேன். அடுத்து எனது வாழ்க்கை கதையை படமாக்க முடிவு செய்துள்ளேன். இந்த படத்தை நானே டைரக்டு செய்கிறேன்.

12 வாரங்களுக்கு முன்பு எனது வாழ்க்கையை திரைக்கதையாக எழுதுவதாக விஜயேந்திரா கேட்டுக்கொண்டார். நான் அதிர்ச்சியானேன். பின்னர் யோசிக்கவும் செய்தேன். அதன்பிறகு அவர் மீது நம்பிக்கை ஏற்பட்டு அனுமதி வழங்கினேன். விரைவில் இந்தப் படத்தை நானே இயக்குவேன்’’ என்றார்.