வாய்ப்பு கேட்ட பெண்ணிடம் சில்மிஷம்: கன்னட சினிமா தயாரிப்பாளர் கைது!

நடிக்க வாய்ப்பு கேட்ட இளம் பெண்ணை பாலியல் பலாத்காரம் செய்ய முயன்ற கன்னட திரைப்பட தயாரிப்பாளரை போலீசார் கைது செய்துள்ளனர்.

கர்நாடக மாநிலத்தைச் சேர்ந்தவர் திரைப்பட தயாரிப்பாளர் விரேஷ். இவர், பெங்களூரில் உள்ள ஐடி கம்பெனியில் வேலை செய்யும் இளம் பெண் ஒருவருக்கு திரைப்பட வாய்ப்பு வழங்குவதாகக் கூறி, ஆசையை ஏற்படுத்தியுள்ளார்.

இதன்பின்னர் தன்னுடைய இடத்துக்கு அந்த பெண்ணை அழைத்துச் சென்ற விரேஷ், அவரை வலுகட்டாயமாக பாலியல் பலாத்காரம் செய்ய முயன்றுள்ளார். அதிர்ச்சி அடைந்த அந்த இளம்பெண், அங்கிருந்து தப்பிவந்துள்ளார்.

இதுகுறித்து தனது உறவினர்களிடம் கூறியுள்ளார். உடனடியாக அங்கு விரைந்த பெண்ணின் உறவினர்கள் தயாரிப்பாளரை பிடித்து, அடித்து உதைத்தனர். அவர்கள் இது குறித்து போலீசிலும் புகார் அளித்தனர். உடனடியாக, வழக்குப் பதிவு செய்த போலீசார், தயாரிப்பாளர் விரேஷை கைது செய்து, விசாரிக்கின்றனர்.

Kannada film producer Viresh arrested for a molestation complaint.