Seenu Ramasamy: அவர் அல்வா கொடுத்தார், நான் முத்தம் கொடுத்தேன் : தமிழ் மாப்பிளை தேடும் தமன்னா

சீனு ராமசாமி இயக்கத்தில் உதயநிதி ஸ்டாலின், தமன்னா நடிப்பில் உருவாகியுள்ள படம் ‘கண்ணே கலைமானே’. இந்த படம் குறித்து பேசிய தமன்னா தமிழ் நாட்டு மாப்பிள்ளை கிடைத்தால் திருமணம் செய்து கொள்வேன் என தெரிவித்துள்ளார்.

கண்ணே கலைமானே படம் குறித்து தமன்னா சென்னையில் நிருபர்களுக்கு பேட்டி அளித்தார். அதில், “இந்த படத்தில் நான் வங்கி அதிகாரியாக நடித்துள்ளேன். சீனு ராமசாமி படம் என்றாலே அதில் எல்லா கதாபாத்திரங்களுக்கும் முக்கியத்துவம் இருக்கும்.

இந்த படத்தில் எனக்கு சிறப்பான கதாபாத்திரத்தை சீனு கொடுத்துள்ளார். பல உணர்சிகரமான காட்சிகள் இதில் உள்ளன. அதனால் படத்தை பார்த்து நான் அழுதுவிட்டேன். இந்த படத்திலும் கவர்ச்சி உண்டு. நீங்கள் நினைக்கின்ற மாதிரி உடல் கவர்ச்சி இல்லை முகத்தில் தெரியும் நடிப்பின் கவர்ச்சியாக அது இருக்கும்.

இந்த படத்தில் நான் சிறப்பாக நடித்துள்ளதாக கூறி இயக்குனர் சீனு ராமசாமி எனக்கு திருநெல்வேலி அல்வா கொடுத்தார். தரும துரை படம் போன்றே இந்த படமும் சிறப்பாக வந்துள்ளதாக கூறி நான் அவருக்கு முத்தம் கொடுத்தேன்.


இப்போது நான் தமிழில் நன்றாக பேச நினைத்து எனக்கே ஆச்சர்யமாக உள்ளது. நான் தமிழ் பெண்ணாக உணர்கிறேன். தமிழ் நாட்டில் பொருத்தமான மாப்பிள்ளை கிடைத்தால் திருமணம் செய்து கொள்ள தயார்.” என கூறியுள்ளார்.

முன்னதாக சீனு ராமசாமி இயக்கத்தில் விஜய் சேதுபதி, தமன்னா, ஐஸ்வர்யா ராஜேஷ் உள்ளிட்ட நடித்த தர்ம துரை படம் மிகப்பெரிய வெற்றியை பெற்றிருந்தது.