மே 8 ஆம் தேதி காதலரை கைப்பிடிக்கும் நடிகை சோனம் கபூர்!!

இந்தி நடிகைசோனம் கபூருக்கும், தொழிலதிபர் ஆனந்த் அகுஜாவுக்கும்வரும் மே 8 ஆம் தேதி திருமணம் நடைபெற உள்ளது.

இந்தி திரையுலகின் முன்னணி நடிகை சோனம் கபூர் . நடிகையாவதற்கு முன்பு, இயக்குநர் சஞ்சய் லீலா பன்சாலியிடம் சோனம் கபூர் உதவியாளராகப் பணியாற்றினார். அவர் இயக்கிய ப்ளாக் (2005) திரைப்படத்தில் அவருக்கு உதவியாகப் பணியாற்றினார். பன்சாலியின் சாவரியா (2007) திரைப்படத்தில்ரன்வீர் கபூருடன் நடித்து, இந்தி திரைப்பட உலகில் நுழைந்தார்.இத்திரைப்படம் வர்த்தக ரீதியாக வெற்றி பெறாமல் போனது. ஆனால் விமர்சகர்கள்மத்தியில் அதிக வரவேற்பை பெற்றது. விமர்சகர்கள்அவரது எதார்த்தமான நடிப்பை பாராட்டினர்.

2009 ஆம் ஆண்டில், ராகேஷ் ஓம்பிரகாஷ் மெஹ்ராவின் டெல்லி-6 படத்தில் அபிஷேக் பச்சன் உடன் சோனம் நடித்தார். அந்தப் படத்தில் உள்ள ’மசக்கலி மசக்கலி’ என்ற பாடல் மொழி பேதங்களை தாண்டி பிரபலமானது. அதன்பிறகு அவருக்கு அதிக படங்கள் கிடைத்தது. நடிகர் தனுஷூடன் ராஜ்னா படத்தில் நடித்தார். அந்த படம் தமிழிலும் வெளியானது.
இந்நிலையில் 32 வயதான நடிகை சோனம் கபூருக்கு திருமணம் நடைபெற உள்ளதாக தகவல் வெளியானது. டெல்லியைச் சேர்ந்த தொழில் அதிபரான ஆனந்த் அகுஜாவும், சோனம் கபூரும் நீண்ட நாட்களாக காதலித்து வந்தனர். இந்த நிலையில் இருவருக்கும் வரும் மே 8 ஆம்தேதி திருமணம் நடைபெற இருப்பதாக சோனம் கபூரின் குடும்பத்தினர் அதிகாரபூர்வமாக நேற்று அறிவித்தனர்.

இதுகுறித்து சோனம் கபூரின் குடும்பத்தினர்வெளியிட்ட செய்தியில், ‘’ சோனம் கபூரின் திருமணம் வரும் மே 8 ஆம் தேதி நடைபெற உள்ளது. இந்த நிகழ்வு எங்கள் குடும்பத்தின் முக்கியமான நிகழ்வாகும் . இந்த செய்தியை வெளியிடுவதில் மிகவும் மகிழ்ச்சி அடைகிறோம்’’ என்று தெரிவித்துள்ளனர்.

மும்பையில் உள்ள சோனம் கபூரின் வீடு, திருமணத்திற்காக மின் விளக்குகள் கொண்டு அலங்கரிக்கப்படுள்ளது. நடிகை ஸ்ரீதேவியின் மரணத்தை அடுத்து அவர்களது குடும்பத்தில் நடக்கும் முதல் திருமண வைபவம் என்பதால், இந்த திருமணம் குடும்ப நிகழ்வாக, எளிமையாக நடைபெறும் என்று தெரிவிக்கப்பட்டுள்ளது.