டப்பிங் பேசிய கார்த்தி

‘காஷ்மோரா’ படத்திற்காக நடிகர் கார்த்தி தனது டப்பிங் பணியை தொடங்கியுள்ளார்.

கார்த்தி நடிப்பில் உருவாகியுள்ள ‘காஷ்மோரா’ படத்தின் டப்பிங் பணிகள் தொடங்கியுள்ளது. கார்த்தி நடிப்பில் தற்போது உருவாகி வரும் படம் ‘காஷ்மோரா’. இதில் கார்த்திக்கு ஜோடியாக நயன்தாரா நடித்துள்ளார். விறுவிறுப்பாக நடந்து வந்த இப்படத்தின் படப்பிடிப்பு சமீபத்தில் முடிவடைந்தது. தற்போது இப்படத்தின் பின்னணி வேலைகள் மும்முரமாக நடந்து வருகின்றன.

இந்நிலையில், படத்தின் டப்பிங் பணி தொடங்கியுள்ளது. பூஜையுடன் தொடங்கப்பட்ட டப்பிங் பணி தற்போது விறுவிறுப்பாக நடைபெற்று வருகிறது. முதலில் கார்த்தி தன்னுடைய பகுதியின் டப்பிங் பணிகளை தொடங்கினார். இதையடுத்து படத்தில் நடித்த நடிகர்கள் ஒவ்வொருவராக டப்பிங்கை முடிக்கவுள்ளனர். இப்படத்தை தீபாவளி தினத்தில் வெளியிட படக்குழுவினர் முடிவு செய்துள்ளனர். படத்தை கோகுல் இயக்கியுள்ளார்.