Thambi கார்த்தி- ஜோதிகா போஸ்டரை வெளியிட்ட சூர்யா!

கார்த்தி- ஜோதிகா இணைந்து நடித்து வந்த படத்தை பாபநாசம் பட இயக்குநர் ஜீத்து ஜோசப் இயக்கியுள்ளார். தமிழ், தெலுங்கு போன்ற மொழிகளில் உருவாகியுள்ள இப்படத்தை வயாகம் 18 ஸ்டுடியோஸ் மற்றும் பேரலல் மைண்ட்ஸ் நிறுவனங்கள் இணைந்து தயாரித்துள்ளனர்.

இந்த நிலையில் இப்படத்தின் டைட்டிலுடன் கூடிய ஃபர்ஸ்ட்லுக் போஸ்ட்டரை சூர்யா தனது சமூக வலைத்தளத்தில் வெளியிட்டார். ஏற்கனவே எதிர்பார்த்தபடி இப்படத்தின் டைட்டில் ‘தம்பி’ என்பது தற்போது உறுதி ஆகியுள்ளது. மேலும் வரும் டிசம்பர் மாதம் இப்படம் வெளியாகும் என்று போஸ்டரில் குறிப்பிடப்பட்டுள்ளது.

பொன்னியின் செல்வன்: தாய்லாந்தில் லொகேஷன் தேடும் மணிரத்னம்

முதல் முறையாக கார்த்தியுடன் இணைந்துள்ள ஜோதிகா இதில் அவருக்கு அக்கா கதாபாத்திரத்தில் நடித்துள்ளார். மேலும் இவர்களுடன் சத்யராஜ், ஆன்சன் பால், நிகிலா விமல், சீதா, அம்மு அபிராமி,இளவரசு, சவுகார் ஜானகி உள்ளிட்ட பலர் நடித்துள்ளனர். விரைவில் படத்தின் சென்சார் சான்றிதழ் கிடைத்த பிறகு படத்தின் ரிலீஸ் தேதி அறிவிக்கப்படும் என்று எதிர்பார்க்கப்படுகிறது.



அது மட்டுமின்றி பாபநாசம் படம் போலவே இதிலும் பல ட்விஸ்ட்டுகளை எதிர்பார்க்கலாம் என்று இயக்குநர் ஜீத்து ஜோசப் தெரிவித்துள்ளார். 96 பட புகழ் கோவிந்த் வசந்தா இப்படத்திற்கு இசையமைத்துள்ளார்.

செம்பருத்தி சீரியல் நடிகைக்கு திருமணம்? மாப்பிள்ளை யார் தெரியுமா?

கார்த்தி நடிப்பில் சமீபத்தில் வெளியான கைதி படம் தந்தைக்கும்- மகளுக்குமான பாசத்தை மையமாக வைத்து உருவானது போல், 'தம்பி' படம் அக்காவுக்கும்- தம்பிக்கும் இடையிலான பாசத்தை மையமாக வைத்து உருவாகியுள்ளதாகத் தெரிகிறது. மேலும் இன்று 11 மணிக்கு வெளியாகவுள்ள படத்தின் டீசர் மீது ரசிகர்களிடையே மிகுந்த எதிர்பார்ப்பு நிலவி வருகிறது.

முன்னதாக தமிழில் மாதவன் நடிப்பில் இயக்குநர் சீமான் இயக்கத்தில் தம்பி என்னும் பெயரில் படம் வெளியானது குறிப்பிடத்தக்கது.