பிரபுதேவாவை படத்தை முடித்து விட்ட கார்த்திக் சுப்புராஜ்!

எந்தவொரு விவரத்தையும் அறிவிக்காமலேயே பிரபுதேவாவை வைத்து முழு படத்தையும் முடித்துவிட்டார் இயக்குனர் கார்த்திக் சுப்புராஜ்.

கார்த்திக் சுப்புராஜ் இயக்கத்தில் பிரபுதேவா நடித்து வந்த படத்தின் படப்பிடிப்பு முழுவதுமாக நிறைவு பெற்றுள்ளது. தனுஷை வைத்து இயக்கவிருந்த கார்த்திக் சுப்புராஜ் அதற்கு முன்பாக பிரபுதேவாவை நாயகனாக வைத்து ஒரு புதிய படத்தை தொடங்கிவிட்டார். இந்தப் படம் குறுகிய கால தயாரிப்பு. ஆகையால் படப்பிடிப்பை சென்னை மற்றும் புதுச்சேரியில் நடத்தினார் இயக்குனர் .

பிரபுதேவாவுடன் நடித்து வரும் நடிகர், நடிகைகள் உள்ளிட்ட எந்தவொரு விவரத்தையும் படக்குழு அறிவிக்காமலே, மொத்த படப்பிடிப்பையும் முடித்துவிட்டார் இயக்குனர் கார்த்தி சுப்புராஜ். மேலும் தற்போது இறுதிகட்டப் பணிகள் தொடங்கப்பட்டு விட்டன. படத்திற்கு திரு ஒளிப்பதிவு செய்துள்ளார். சந்தோஷ் நாராயணன் இசையமைத்துள்ளார். விரைவில் இப்படத்தின் தலைப்பு மற்றும் இதர நடிகர், நடிகைகள் உள்ளிட்ட விவரங்களை அதிகாரப்பூர்வமாக அறிவிக்க படக்குழு திட்டமிட்டுள்ளது.