காஷ்மோரா படத்தின் பர்ஸ்ட் லுக் போஸ்டர்

கோகுல் இயக்கத்தில் கார்த்தி, நயன்தாரா, ஸ்ரீ திவ்யா ஆகியோர் நடிக்கும் திகில் படம் காஷ்மோரா. சிறுத்தை படத்தில் இரண்டு வேடங்களில் நடித்திருந்த கார்த்தி முதல் முறையாக இப்படத்தில் மூன்று வேடங்களில் நடித்துள்ளார்.

அரசர், இளைஞன் மற்றும் மொட்டை தலையுடன் இருக்கும் ஒரு வீரன் என மூன்று வேடங்களில் நடித்துவருகிறார். நடிகை ஸ்ரீ திவ்யா பத்திரிக்கையாளராக வலம் வந்துள்ளார். இப்படம் இரு வேறு காலங்களை மையப்படுத்தி உருவாக்கப்பட்டுள்ளது.

இப்படத்தில் கார்த்திக்கு அப்பாவாக நடிகர் விவேக் நடித்து வருகிறார். இப்படத்திற்கு இசை சந்தோஷ் நாராயணன். தயாரிப்பு எஸ்.ஆர்.பிரபு. தற்போது இப்படத்தின் பர்ஸ்ட் லுக் போஸ்டர் வெளியாகியுள்ளது. அதில் மொட்டை தலையுடன் கூடிய ஒரு போர் வீரர் போன்று தோற்றமளிக்கிறார் என்பது குறிப்பிடத்தக்கது.

ராம்சரண் நடித்த மகதீரா படத்தைப் போன்று இப்படம் இருக்கு என்று எதிர்பார்க்கப்படுகிறது. இந்தப் படத்திலும், இரு வேறு காலங்களை கொண்டதாக உருவாக்கப்பட்டிருந்தது குறிப்பிடத்தக்கது.